نوروني ياللي تفهمون بالبوصلة الشخصية ..

السلام عليكم .. كيفكم يا بنات إن شالله تمام ..حبيباتي انا متزوجة من اربع شهور وابغأ كل وحدة فيكم تفهمني بالبوصلة الشخصية تنصحني وتنورني .. حذكر صفات زوجي ﻷني عجزت افهمة ﻷني بصراحة حاولت إني افهم البوصلة الشخصية واطبقها عليه بس ما قدرت .. نبدأ وبسم الله .. اول شي ما يحب ألبس بلاليز ضيقة لدرجة إنها تفصل حجم صدري وآسفة على الصراحة .. لما يشوفني احيانا البس جلابيات ينبسط ويقول يا ليت كل لبسك جلابيات احسن من التنانير والبلايز ﻷنها فيها ذوق على قولته !! مع إنو تنانيري وبلايزي كلها شيك وذوق .. وشي ثاني انا وياه ساكنين في بيت اهله وطبعا له اخوان متزوجين غيرنا كلنا ساكنين في بيت واحد وهو الوحيد بينهم حريص على أنوار البيت يطفيها كلها لما يحس انو كل البيت نايم والسبب انو ما يحب التبذير وشي ثاني انو هو الوحييد من اخوانه المتزوجين يحب النت بجنون لا تقولو كيف عرفتي !! ﻷنو عايشين بنفس البيت وشأيفة الفرق بينه وبين اخوانه المتزوجين هما يملو بسرعة بس هو يجلس بالساعات .. وشي ثاني يحب المقارنات بغيري والإنتقاد دايما .. يحب يمارس الجماع في الظلام وممكن على نور خافت جدا المهم ما يكون على نور قوي .. سريع في مشيته واكله .. يكره الإجتماعات وحضور المناسبات .. يكره يجي معاي السووق .. عصبي .. ما عنده اكلة مفضلة في الطعام مع إني لمحت له اكثر من مرة واقول له نفسي اعرف إيش يعجبك من الحلا ولا من الطبخ ابغأ ادلعك يقوول المهم اكل والسلام .. مع إني دايما لما اسوي معجنأت ولا حلا واقدمها ما ياكلها ما يحب الدلع في الاكل بس يحب الطعام الروتيني >> فطور + غدا + عشا .. مايحب البس النقاب إللي فيها فتحة العين لازم اغطي عيوني ويا ويلي لو نسيت يقلبها علي صراخ وشتم .. يقدم مصالح اهله على مصالحي حتى لو كان فيها ظلم علي ما يحب يمسك العصا من الوسط يعني ما يعدل بيني وبينهم كفه مايل لاهله كثييير حتى لو كان على حساب راحتنا انا وياه .. لما اروح عند اهلي وابيت عندهم ابدا ما يتصل ولا يسال ما يتصل إلا وهو بالطريق ويقول تجهزي انا بالطريق بس لما اكون في بيته أتصالاته ما تهدأ ابدا وإذأ انشغلت وما رديت على إتصالاته ماشالله ما يقصر في محاضراته المجرحة .. يكره انو نتكلم على المستقبل من احلام وامنيات المهم عنده الحاضر وبس .. يا ليت تقدمولي نصايحكم في تحليل بوصلة شخصيتة وكيفية تعامله معاه .. ولكم جزيل الشكر ..