نوع ابتلائك بالحياه ((يمكن خيره))

السلام عليكم .. كنت برد على موضوع الاخت تمره سكريه ٢٩ .. بنفس صفحه الموضوع
بس خليته في موضوع مستقل عشان الكل يقراء
نوع الابتلا مالله كتب لي اتوظف
قصتي اني كنت متفوقه دراسياً دخلت قسم خايس بمعنى الكلمه لان بإختصار الجامعه اللي بمحافظتنا الاقسام محدوده ..
تخرجت من القسم بتفوق وكان عندي امل اصير معيده في الجامعه وفعلا دعوني واختبرت ونجحت في الاختبار وقالوا انتظري اتصالنا وانتظرهم يتصلون ولا فيه امل ،، الصدمه انهم يقولون خلاص عندنا اكتفاء والقسم بتقفل 😩 يعني على وجهي نجحت في قياس من اول سنه وكل سنه اقدم بديوان الخدمه واقول يارب الخيره وتنزل الاسماء واسمي مو معاهم
تزوجت وعندي الحمد لله اطفال ...
وفيه حولي موظفات ومنهم معلمات يداومون لقرى بعيده يطلعون الفجر ويرجعون قريب العصر عندهم اطفال يداومون ويتركون اطفالهم مع الشغالات
افكر بنفسي ان الله يكون في عونهم مافيه وقت حتى يسولفون مع اطفالهم يعلمونهم يلعبون معهم
بالاضافه لمشاكلهم مع ازواجهم على الراتب يعني كل شي عليهم مقاضي الاطفال مراجعاتهم شغالاتهم غير الاهل اللي يطلبون منهم
يعني معاناه
صحيح اني ادعي ربي اني اتوظف بس دايماً اقول يارب اتوظف ان كان في الوظيفه خيراً لي