نوع جديد من المشاريع.. أفكار لكم

السلام عليكم

اغلب البنات اذا قلتي لها مشروع تفكر بشي تبيعه لكن هذا نوع واحد من المشروعات فيه نوع ثاني و الي هو

قطاع الخدمات <<< شلون؟؟

اقول لكم يعني تقدمين خدمه تحصلين عليها فلوس و هذي كثير و موجود في الغرب اشياء و خدمات ما تخيلونها و يتميز المشروع يتميز الخدمه يعني مو بضاعات متشابهه و تقعد بكبدش لا على اجتهادكم تلقون ..انا اليوم بقولكم فكره منها بالتفصيل لاني وحده اعاني من ذا الناحيه و تمنيت ان فيه نفس هذي الخدمه و لو ان زوجي من النوع الي بيرضا كان سويتها انا

المهم الفكره عباره عن شركة خدم بطريقه غير و تفيد لان اسعار الخدم ارتفعت

تفاصيل:: شفت اعلان في الكويت شركة تدريب خدم انا غيرت الفكره

1- تجيبين مجموعة من الخدم المدرب على الشغل كلن و تخصصه طبخ - تنظيف - اطفال و فيه بتاع كلو

2- يشتركون الناس مع الشركه بمبلغ شهري بحيث اخذ منكم خدامه لهذا الشهر طلع فيها اي مشكله ابدلها بخدامه ثانيه بدون ما اضيف شي على الاشتراك

3- راتب الخدامه على العميل(الي ياخذها) و تدفع مقدم من العميل للشركه و ما تفرق بدل الخدامه ما يدفع راتب ثاني لا الشركه تقسم الراتب الي اندفع اول الشهر بين الخدامات الي استخدمهم العميل

4- من المهم ان تكلفة الاشتراك الشهري مع الوقت ما تكون كبيرره بحيث ان الناس تشوف ان الخدامه الملك افضل بينما راتب الخدامه لازم يكون اكثر عن خدم البيوت كتشجيع للتمسك بالعمل

5- كيف احصل على خدم يبيضون الوجه و تخلي الناس تجي لي .. بالراتب و الخصميات و في نفس الوقت تحمينها من العميل في حال تطاوله بضرب و ممكن لو كثر رفضها من الناس بنفس السبب او اسباب مختلفه تحددين لها عدد معين 5 بيوت مثلا و بعده ارجعش ديرتش

6- علشان تشتغل بالشركه الي راتبها مغري ممكن تدفع تامين بحيث انها ما صلحت للعمل ترجع على حسابها

7- ناس اشتركوا عندكم على نفس الخدامه كذا شهر و بغوا يشترونها ملك لهم تنقل لهم الكفاله بمبلغ وهكذا


انا من الناس الي تعبت من تبديل الخدم و تدفعين فلوس و تجربينها و بعدين تهرب و لا ترفض العمل فترجعين في نفس الدائره ابي شركه كذا على الاقل ما اخسر فلوس تقديم الى ان القى الي تناسبني و ممكن اعتباره نظام المؤقتات(الاجار) نظامي

اتمنى تفيدكم و تقدرون انتوا تعدلون التفاصيل بالي يعجبكم و خل نشوف ابتكارات بنات حواء:27:

للارتقاء بقطاع الخدم