نومي

الله يعينك بس انتبهي تدمنين على الحبوب المنومه
و انصحك راجعي الطبيب

رفع

وعليكم السلام والرحمة ..

الله يشفيك عزيزتي وماتشوفين شر .. قلة النوم والأرق من المشاكل اللي نتعرض لها كثييير ..

بعطيك نصايح ويارب تفيدك :

أول شي لازم يكون فيه سبب لقلة النوم يمكن تتعرضين لضغط أو إرهاق نفسي أو تعب وهذا أكيد بيأثر على دخولك بالنوم
وعلى جودة النوم يعني بيصير متقطع ..فلازم تتوكلين على الله وتفوضين أمورك له ولا تشيلين هم وعليك بالاستغفار وذكر الله
وقراءة القرآن والدعاء .. وحاولي تسترخين وتتفاءلين وتنظرين دايماً للأمور بإيجابية ..

ثاني شي نومة النهار تلغينها نهائياً حاولي ماتنامين أبداً آشغلي نفسك إذا حسيتي أنك لازم تنامين بالنهار و إذا مرة تعبانه بعد الدوام وماتقدري تقاومي النوم ممكن قيلولة مو أكثر من ساعة ألا ربع ..

ثالث شي المنبهات من بعد المغرب أبداً لا تشربينها الشاي والقهوة والبيبسي وحتى الشوكولاته فيها نسبة كافيين فأبداً لا تاكلينهم على الأقل
أربع ساعات قبل موعد نومك لاتقولين أنا متعودة أشرب المنبهات وكنت أنام ماتأثر علي لأ سبحان الله المنبهات لها تأثير أكيد لأن الكافيين
مادة منبهة للدماغ وله دور في الأرق شئنا أم أبينا ..

رابع شي لا تاكلين أكل دسم قبل النوم بساعتين وكلي تفاح واشربي حليب هذول يساعدون على إسترخاء الجسم ..

خامس شي وشي مهم لا تروحين للسرير إلا إذا كنتي مرة فيك نوم مو تروحين وتجلسي تتقلبين على السرير ساعة ساعتين وتقولين
ما جاني نوم لأ لا تروحي للسرير ألا وأنتي خلاص طافية وتعبانه وحدك نعسانه شي مهم بعد لاتخلين سريرك مكان القعدة يعني
تدرسين عليه وتسولفين أو تاكلين لأ السرير بس للنوم وقبل موعد نومك يفضل ما تكونين تتفرجين على التلفزيون أو تقرين بالنت لأ
ممكن تقرين قرآن وتذكرين الله وتصلين يعني آسترخي قبل ما تروحين تنامين ..

سادس شي الحبووووووووووب المنومة اسوأ شي لاااااااااااااااا تقربين منها مرة ثانية أبداً آرميها بالزبالة شيليها من بالك لأنك لو حاطتها
في بالك أول ماراح يجيك النوم تقومين تاكلينها لأ غلط , الحبوب اذا تعودي عليها مشكله بعدين الحبة والحبتين ما عاد تنفع وتصيري
معتمدة عليها ما يكون عندك إرادة وتقولين لأ أنا ماراح أقدر أنام إلا إذا أكلت الحبوب فآنتبهي أقرب زبالة وأرميها :)

سابع شي و هالنقطه مهمه مفروض أول شي أقولها لاتفكرين تفكير سلبي يعني يالله أنا أسبوع مقدرت أنام وتخافين وتتعب نفسيتك
لأ قولي لنفسك هذا شي عابر وبيمر وتقدرين تتخلصين منه حتى لو أخذ وقت لا تكبرين الموضوع بعقلك لأ قولي هذا مشكلة بسيطة
وبحول الله تنحل وأنا قادرة على مواجهتها بعد توكلي على الله :) ..

وآخر شي إذا آستمرت معك الحالة أسبوع زيادة فروحي راجعي الطبيب :) وماتشوفين شر أجر وعافية ..

**** يعد اللي ردو رفع

رفع لعيونك