نيو ماما .. وماعندي خبره.. وتعبانه نفسيا

السلام عليكم ورحمة الله وبركاته

انا نيو ماما .. وماعندي خبره ,, وبصراحه تعبت نفسيتي كثير اواجه عدة مشاكل مع ولدي الرضيع اتمنى من الاخوات مساعدتي ,,

ولدي عمره شهر و5 ايام ,,
من اول يوم بولادته وهو مزكم .. لليوم ماراح الزكام منه .. وديته مرتين للطبيب وكل مره يسوي له تنظيف ويرتاح بس مايطول يومين ويرجع له الزكام .. لدرجة انه احيانا مايقدر يرضع الا اذا حطيت له قطره الانف تريحه شوي ..

ثاني شي .. مافيني حليب بصدري قليل جدا .. فاظطريت اعطيه حليب مساعد واحس امه هالشي مسبب لي تانيب الضمير .. والله ماخليت شي ماكلته ولا شربته علشان يدر الحليب بس مافي فاديه حتى الحلبه جربتها بس بعد مافي فايده ..
وجربت اشرب عصير برتقال واكل كاكاو واحس انه بدا الحليب في صدري يكثر بس منعني الدكتور من البرتقال والكاكاو والبيض قالي لانه هذا هو اللي يسبب خساسيه بانف النونو .. فوقفت عنهم ..

ثالث شي .. من 4 ايام ملاحظه انه ولدي مايمشيه بطنه الا مره باليوم وبعد يكون لونه اخضر ومثل الماي يعني مو عادي مثل قبل ..

رابع شي .. النوم .. ااااه من النوم .. ماينام .. واذا نام .. مايكمل نص ساعه والا يصحى وباليل نقعد اربع ساعات وعادي يكون بصياح مستمر .. دايم البكاء .. ماعرف شو اسوي فيه ..
الوقت اللي يطول بنومته بعد ما اسبحه يطول بنومته ساعتين اكثر شي ..

خامس شي.. بالنسبه للحليب الصناعي .. انا اعطيه بيبيلاك واحس انه وااايد زين له .. وانا اعطيه كل ساعتين .. بس احيانا يوم ارضعه من صدري ويكون ماشبع اعطيه المرضعه بس مايكملها فاخليها يعني تكمل احيانا ساعتين الى ان يشربها كلها .. هل هالشي عادي ولا بس لازم اعطيه بساعتها وخلاص ما انتظر الى ان يخلصها كلها ..؟

سادس شي .. كيف اعرف انه ولدي في مغص .؟

وسامحوني طولت عليكم بس والله تعبت نفسيا وخاصه انه امي بعيده عني وانا بروحي وماعرف شو اسوي ولا عندي خبره من كثر التفكير ما اقدر انام ,,

بانتظار ردودكم ...