انا عارفة ان ده مش المكان المناسب لكتابة الموضوع ده
لكن لكثرة زواره ولأن معظم الناس هنا عارفانى
فاسمحولى الجألكم اخواتى
والدتى عندها خشونة بالركبة وصلت لحد التهابات شديدة بالمفصل وتأكل بالغضاريف لدرجة انها مبقتش قادرة تمشى ولاتقف على رجلها الا بصعوبة شديدة جدا وبواسطة العكاز **مش دى بس المشكلة ؟؟ لكن اصبحت بتتألم جدا كمان من ركبتها **
عرضتها على اكبر اطباء متخصصين فى الموضوع ده لكن الرد كان اما ان الخشونة دى حاجة ملهاش علاج وخدى المسكنات دى ونشتريها وتاخدها شوية ومفيش اى نتيجة الألم هو هو او يقولوا تعمل عملية تغييرمفصل وكل الناس نصحونى منعملهاش خالص ؟؟
وبصراحة مش عارفة اعمل لها ايه ؟؟؟؟ دخت واحترت ؟؟ لحد اما فى مرة قرأت على شريط الأعلانات اللى بيكون موجود فى القنوات الفضائيةان موجود فى عالم اخترع كريم لعلاج خشونة الركبة فى 3 شهور وطبعا زى الغريق اللى يتعلق فى قشاية جريت وسألت عن الكريم ده لكن لللأسف لاقيته مش موجود الا فى السعودية وليبيا
اسم الكريم ( كابور 3) وعلى فكرة ياجماعة منتجات كابور كلها موجودة فى صيدلية عذب ماعدا الكريم ده بيقولولى ينزل بعد 8 شهور او سنة لما ياخدوا موافقة وزارة الصحة المصرية على استخدامهفى مصر لكنه موجود فى السعودية ؟؟؟؟
بالله عليكم اعمل ايه اللى عندها نصيحة تقولهالى ويبقى كتر الف خيرها *** قولولى ياجماعة اتصرف ازاى عشان اريح امى من الألم والحالة النفسية اللى هى فيهم الوقت ؟؟؟
منتظرةردودكم ونصايحكم *
وجزاكم الله كل خير*واين يوجد في جدة