هاذي قصتي واحكموا

السلام عليكم ورحمهـ اللهـ وبركاتهـ


ياليت اخواتي بعد ماتقرون قصتي تقولولي رائيكم فيني هو الخلل مني ولا منه ولا في الحظ العاثر








قصتي ابتدات كان عمري 14سنه تزوجت قريب لي كان طٍَـًًِيّـ?ََّـًٍُبّْ وخلوق وكنت طايره من الفرحه معه مو مقصر معي في شي قعد معاي 9شهور وبعدها توفى بحادث اللهـ يرحمه ويغفرله
ولما صار عمري 16زوجوني اهلي رجل كبير في السن تقريبا عمره60
لان ابوي ماكان يهمه الا الفلوس مافكر فيني ولا في حالتي انا مرتاحه ولا متضايقه
جلست معاه شهرين ورحت لاهلي وطلبت الطلاق وبعد اربع شهور طلقني
في ذاك الوقت كان عندنا جيران توهم ساكنين عندهم شاب اخو جارنا انا بعد ماشفته اعجبت فيه وتمنيت انه يكون زوجي وبعد طلاقي بشهر جا اخو جارنا وخطب اختي ولكن اختي رفضته
وقاله ابوي تبغا المطلقه زوجتك اما البنت عيت طبعا انا مادريت ان ابوي قال كذا الا بعد فوات الاوان وهو وافق على الزواج مني وهو كان عنده زوجه بس عند اهلها صاير مشاكل بينهم المهم
هو اقنعنا انه ماترجع رافضه واخواته شرحولنا انه هو البريء وزوجته المخطيه وانا صدقت
وتزوجته وبعد زواجي منه بشهرين طلبت الطلاق زوجته
وطلقها وابتدات معاناتي معه اكتشفت انه رجال يخوني يحب الزنا بشكل غير طبيعي وبخييييل بمعنى الكلمه وما يحبني اروح لاهلي حتى لدرجه كان يداوم 24ساعه ويخليني في الشقه لحالي ومن الخوف ما انام واترجاه يوديني لاهلي ويقولي ما احب الحرمه تروح لاهلها وماكنت اروح مناسبات لانه مايوديني السوق وفي السنه الاولى من زواجي كان الحال ماشي وبعد ماجبت بنتي الاولى بدا يشد علي وجبت بنتي الثانيه وبعدها صار يضغط علي يضربني ويحرمني من اي شي ابغاه يعايرني باهلي ويعايرني بشكلي مع الرغم اني ماني شينه متوسطه الجمال بس انا من قبيله وهو من قبيله ويسب قبيلتي دايم وجبت بنتي الثالثه وبعدها ترك وظيفته ونفسيته تغيرت من سيئه الى اسوأ وكان يسألني عن كل صغيره وكبيره ويحلفني بالله في اغلى من عندي اني قلتله صحيح ولا كذب واذا قلت ماني معلمتك بدا يعذبني يسكر علي البيت ومافيه لاروحه ولاجيه ولا كلمه زينه اسمعها منه طبعا اسألته كلها عن الحريم اذا جاني احد ولا جيت احد يقول وش يقولون عني قصده الحريم معجبين فيني يقصد هو ودايم يقول انا بتزوج عليك وراح اهينك واذلك هاذا ايش اذا طلبت منه زياره لخالاتي ولا لاهلي يقول انتي ماتنفعيني لانك تحبين تطلعين يقول انا احب الحرمه ماتطلع من البيت وبعدها جبت ولدي الرابع والاخير وبدأت المشاكل تزيد صارت تدخلات
من امه واخواته زياده على مشاكلنا سكنو معانا وبدأن يضايقوني واذا شكيتله يقولي انتي تطلعين وهن يجلسن ياخذن راحتهن ولا تقولين ولا كلمه مهما قالولك من كلام وانا والله يشهد علي ماضايقتهم في شي لكن انتم تعرفون بعض الحريم وراهم مشاكل وبدأ بهجري لايكلمني ولا يصرف علي ولا يوديني ولا يجيبني وهجرني في الفراش وانا ماقصرت عنده باي شي وانا ماقصدي امدح نفسي انا انسانه حنونه ورحومه وتعبت نفسيتي لدرجه كرهت نفسي وكرهت عيالي حاولت انتحر لكن الله ستر ورحت لدكتوره اخصائيه نفسيه واخذت حبوب لحالتي وبعده شافتني امه واخواته قالو زوجتك تسوي نفسها فيها نفسيه علشان تقدم عالشؤون الاجتماعيه
وصار يضغط علي ويضربني ويسمعني كلام جارح طلبت منه الطلاق قلت عيالي ما ابغا افارقهم طلقني وعيش حياتك وانا بجلس مع عيالي اربيهم لحد ما يكبرون انا عن نفسي معد ابغا زواج
في يوم من الايام جابلي ورقتي وقالي طلقتك واذا تبغين تقعدين مع عيالك ادفعي اجار البيت واصرفي على عيالك قلت خلاص مافيه مشكله وشرط علي انه مايطلع من البيت يقول اني خايف على بناتي من الضياع
قال تقبلين شروطي ولا توكلي على الله روحي لابوك
قلت مافيه مشكله ووافقت على شروطه
وقدمت عالضمان وطلبت منه صك اعاله وعطاني والحمدلله مشت الامور على خير
لكن اهلي ماقلت لهم اني مطلقه لان ابوي واخوي وامي راح يفرحون بطلاقي لانهم يكرهونه وراح يصير بينهم عناد بياخذوني من عيالي والضحيه عيالي وانا الحين عايشه في خوف من اهلي لايدرون وما ادري وش اسوي ولا ادري وش الحل





يارب عليك الفرج لاتحرموني يااخواتي من دعائكم وابغاكم تعطوني حلول اذا عندكم