هدية ولكن !!؟

في يوم جاك شخص اعطاك هديه قبل ماتفتحين الهديه وضح لك شي مكتوب عليها ان كل كلمه او حرف او استخدام سي له مسجل عنده ومراقب وسوف تحاسبين عليها عاجل او اجل ممكن يترك لك فرصه تعتذرين وتبطلين وهو بيتجاوز عنك وممكن يعاقبك فورا ومايترك لك فرصه طبعا العقاب مابين لك اي نوع هو ولا اي وقت ولا اي شي عنه بس نبهك وسلمك كل شي !!؟ فتحتي الهديه حصلتي جوال شغلتي الجوال وبداتي تحملين برامج وحسابات وووو فجاءة تذكرتي التنبيه اللي نبهك صاحب الهديه !! طبعا بداتي تتذكرين انك مراقبه وبداتي تخافين وتستحين منه في نفس الوقت انه متفضل عليك ومعطيك ووووو ترجعين تختارين كل شي زين من حسابات وبرامج لانك عارفه انه يشوفك !!!
هذا واقعنا من (الله جل جلاله ) وتنزه عن مثل هذا التشبيه لكن عشان اقرب لكم الفكرة الله منعم عليك باشياء كثيره بس في يوم استشعري نعمه واستحي منه اذا اختليتي بنفسك ومايشوفك احد الوحدة تفتح جوالها على كل الحسابات والبرامج تتواصل مع فلان ومع علان تسولف وتتنقل من حساب للثاني بدون ماتراعي ان الله منعم عليها ومطلع عليها !!!! لو كانت تعرف ان جوالها مربوط بجوال اخوها او ابوها ماكان تجرات وفتحت اشياء تغضبهم (فالله احق ان تخشوه ) عيييب علينا فلنتادب مع الله لازم نستشعر ان الله يرانا وكل صغيره وكبيره مكلف فيها ملك يكتبها والله لو استشعرت الوحدة ان ربها يشوفها ومنعم عليها بكل النعم لكانت استحت منه وتابت وماسوت شي يغضبه ...حبيت انصحكم نصيحة محبه لكم وللي اشوفه في مواقع التواصل من اشياء تغضب الله هذه المواقع سهلت تواصل الرجال مع النساء بشكل كبيير عسى الله يعفو ويتوب علينا