هذا اللي حصل

اخواتي 
انا كان لي صديقة مثل اختي واكثر
كانت متغربه في مدينتي وكنت لها مثل الاخت واكثر وكنا دايم نجتمع في بيتها بحكم اني ساكنه عند اهل زوجي صعبه تجيني
وكنا صحبه مررره 
اللي حصل كنت مواعدتها اجلس عند بناتها هذا الكلام قبل شهرين
طلبت مني اجلس عند بناتها بالبيت لان عندها موعد بالمستشفى ووافقت وقالت بعد يومين تعالي تجلسي عند بناتي ساعتين على مااجي وعطيتها وعد 
اللي حصل انه قبلها بيوم انسرق جوالي وضاعت الارقام وكل حاجه فيه 
ومررره تضايقت وتكدرت وماكانت حافظه رقم جوال صديقتي
وزياده تهاوشت مع زوجي بسبب سالفه كبيره حصلت ورحت عند اهلي ونسيت اني مواعده صديقتي ونسيتها بكبرها من همومي
بعدها بأسبوعين هدت الاوضاع رجعت الزوجي شريت جوال وطلعت شريحه جديده مو بنفس الشريحه اللي قبل 
يعني رقمي تغير وزياده ماحفظت رقم صديقتي
وصديقتي هذي ماعرف عنها شي من شهرين 
قلت الزوجي ودني بيتها قال مستحيل بدون موعد ماتعرفين ظروفها قلت بس اسلم عليها عند الباب وعطيها رقمي رفض قال من رايي ترسلين سواق اهلك وتكتبين رقمك في ظرق وتحت الباب يدخله وهي اكيد بتشوفه وتدق وبعدها تتفاهمون اما شغلة تطبين على البنت فجئه انسي 
واقتنعت في كلام زوجي بس خفت تحسبني متعنيه اسحب عليها وتفهم غلط وخفت تقول وش دعوه يوم مر شهرين توها تتذكرني ووساويس كثيره خايفه انها تردني وماتتقبل عذري وماتصدقني ووالله اعلم في ظروفي ولا انا ماكان في نيتي اقطعها 
انتم يابنات وش الحل المناسب اللي تشوفنه
المشكله ماعندها حساب لا انستقرام ولا تويتر ولاشي عشان اتواصل معها
والله كل يوم افكر فيها وفي جمعتنا وسوالفنا وتجيني غصه نفسي اشوفها علاقتنا صارلها 7 سنوات كان عندي كل ارقامها جوالها ورقم بيتها بس ماحفظتهم الا بالجوال والجوال انسرق 
انا كل خوفي يجي في بالها اني قاطعتها بالعنيه 
اخاف تفكر كذا 
اخاف ماتتقبل تجيني وساويس