السلام عليكم ورحمة الله وبركاته
قبل اسبوع الله اكرمنا وذهبنا لاداء العمره ولله الحمد تمت بكل يسر وسهوله ..لكن الغريب الذي لاحظته كثرو الحريم الي يشحثون والله اول يوم صادفت وحده وقالت انها اردنيه بلباس وغطاء سعودي وذكرت انها مستاجره وزوجها مقعد وعندها اطفال وصاحب المنزل راح يطردهم لو مادفعو الاجار والله اعلم فيها .. بعدها بيومين نفسها بنتي نبهتني لها قالت شوفي هذي الي جت قبل يومين تكلمك ولقيتها نفس الحركه عملتها مع حرمه ثانيه وجالسه تطلبها فلوس ..بنتي لحقتها لقيتها تقابل وحده بعيد عن مصلى الحريم وتطلع جوال من جوات بنطلونها وتتصل منه وبعدها بيومين انا التهيت بعد صلاة العشا عن زوجي مع خالتي وبنتها وكانو كل عيالي عندي وطلعنا بسرعه لانا طولنا على زوجي بمصلى الرجال الا حرمه لابسه عبايه وعيونها طالعه لاصقه جنب زوجي بالحرم في مكان الرجال وهو فاتح المحفظه يعطيها فلوس اخذت الفلوس بسرعه وتعذرت مني لانها جلست مع زوجي انا والله يابنات جلست مبلمه ماقلت ولا حرف استغربت منها تسوي كذا وتتجرا تجلس جنب رجال غريب وتطلب منه والله انه يطلع لها الفلوس وهي تلاحق يده يعني اعطني الي باقي بالمحفظه وربي ماعمري سويتها ولا حتى ولدي الصغير مع زوجي ابو عيالي راحت وكانت لابسه عبايه لافته وعيونها طالعه والكحل ملاها انا سكتت ماقلت ولا شي ولما وصلنا شقتها قام يقولي سالفتها انها جته وقالت زوجها مريض بالسرطان وتبغا اجار البيت باقي منه ميه وثمانين عطاها ميه وقال خلاص ماعندي الا تقوله انا في ذمتك تخليني اروح اشحث رجال ثاني وانته تقدر تعطيني وعطاها الباقي الا تمد يدها والله العظيم قدام عيني على محفظة الرجال بدون حيا ولا خوف من ربي وبعد بحرمه وعند بيته وربي صار الزمن يخوف حتى بهذي الاماكن ماسلمت من اهل النفوس المريضه الله لا يبتلينا يارب ..
ابي تعليقكم وهل شاهدتم هذي المناظر احسهم عصابات او ممولين لفئه والله اعلم الله يكفينا شرهم ويكفي المسلمين والبلاد والعباد منهم يارب ..
&ام خلودي واثير& @ampam_khlody_oathyramp
محررة برونزية
يلزم عليك تسجيل الدخول أولًا لكتابة تعليق.
ماعمري عطيت هالاشكال
المحتاج صدق مايشحد
الله لايبارك فيهم .... ولو الناس ماتعطيهم ماكان كثروا بكل مكان زي الذبان
المحتاج صدق مايشحد
الله لايبارك فيهم .... ولو الناس ماتعطيهم ماكان كثروا بكل مكان زي الذبان
لوقلت ببلغ عليك البلديه كان شفتى غبارها
والله فيه ناس تشحد وهم اغنى مني ومنك بس تعودو على الذل للغير
المفروض ماتعطينها قولى لهاروحي جمعيه خيرها الحمدلله الدوله ماتقصر
لان اغلب هاليشحدون هم سبب الدمار لدوله
والله فيه ناس تشحد وهم اغنى مني ومنك بس تعودو على الذل للغير
المفروض ماتعطينها قولى لهاروحي جمعيه خيرها الحمدلله الدوله ماتقصر
لان اغلب هاليشحدون هم سبب الدمار لدوله
الصفحة الأخيرة
لآ إله إلآ آلٌلٌه محمدٌ رسولٌ آلٌلٌه