هذي النقطة تخفف على كل بنت مش متزوجة !!

السلام عليكم ورحمة الله وبركاته ..

مادري بس حابة يكون هذا الموضوع من باب التخفيف ورفع المعنويات ..

لأن الإنسان لما يشوف اللي حوله تهون عليه بلوته :35:

ومايخفى عليكم ان اللي يشوف ناس عايشين مثل وضعه وصابرين ومحتسبين يهون عليه كثير

يعني مثلا اللي مش متزوجة لما تشوف بنات غير متزوجات

تحمد ربها وتقول الحمد لله انا مش بروحي ..

في مثلي كثير ..وترتاح ..:27:

اللي خلاني اطرح هالموضوع هنا بنات كثير من اللي معانا بالمنتدى يتكلمون عن أن الأمر عادي عندهم وعايشين حياتهم

وغير كذا في نماذج كثيرة حولي لبنات ماتزوجوا لكن ماشاء الله الابتسامة ماتفارقهم

ان اعرف ان الظروف تختلف ..من بيت لبيت ومن إنسان لإنسان


لكن عموما كلنا بشر وعندنا مشاعر ..

في يوم ..رحت مشوار لبنك عشان معاملة مالية ..وهناك شفت رئيسة القسم إنسانه لطيفة جداااااااااا

وتعاملها راقي وخفيفة دم ..

الكل يحبها ,,وكان واضح جدا انها مهي بصغيرة اتوقع انها في اول الأربعينات

لكن روحها حلوة ومرحة الله يزيدها ويرزقها

المهم ..اكتشفت انها غير متزوجة مع ارن كل خواتها اللي أصغر منها متزوجات

لكن سبحان الله عايشة حياتها ومبسوطة

طبعا ربي العالم وحده باللي في قلبها

لكن شفتوا يابنات ..في مثلنا كثير

أعرف مديرة مدرسة مشهورة ..ومحبوبة لأبعد الحدود ..عاشت حياة قاسية وكانت يتيمة

وكبرت ونجحت كمدرسة ثم صارت مديرة ..معاروفة بتعاملها الطيب مع مدرساتها وتسهل لهم الأمور دايما الله يسهل عليها يارب

وسمعتها فوق ما شاء الله وتوقف مع الكل في ظروفهم والكل يدعي لها الله يسعدها

دوم نشيطة ...وسباقة للخير والمساعدة واعتقد انها في منتصف الأربعين ..

طبعا ربي العالم وحده باللي في قلبها

لكن شفتوا يابنات ..في مثلنا كثير


الخلاصة يابنا ان في حقيقة صعبة شوي لكن المفروض نكون مستعدين لها ونواجهها


يمكن بعضنا ما يتزوج

انا اعرف ان كثير منكم لما يقرا هالجملة ممكن يغمض عينه ويهرب منها

لكنه امر محتمل

لازم نعيش حياتنا ..مثل وغيرنا وأحسن ونرضى بنصينا أيا كان

وعوما يابنات ..

الله سبحانه كريم وقادر يرزقنا كلنا ..

ويقدر لنا الخير ..واحنا ماراح نترك الدعاء ..وناخذ بالأسباب ..

وربنا كريم

ياريت اللي عنده قصة لبنت مش متزوجه وكبيرة فوق 35

تذكرها لنا ..

نبي نماذج إيجابية ..

الله يبارك لكم بالشهر ويتقبل طاعتكم ..ويسعدكم ويستجيب دعواتكم