هذي حكايتي ... وقسوة قلبي .. !!

مسكينة اختك واضح انها طيبة لكن ماعندها حظ مع المقابلين لها

سؤال هل هي تصلي ام لا ؟؟؟

لان الصلاة تمنح القبول عند الاخرين

حبيبتي هدئي نفسك وراجعي شريط حياتها تلقيها انحرمت من كل شي حتى حنان الام

وحنان الاب ما تنعمت فيه ابد

واذا انتي مش حابة تخرجي وياها مش مشكلة نهائيا المهم في البيت خليك وايد حبوبة وياها

وخلاص ولا تكلفي نفسك مالا طاقة لها به

بصراحة ماعرفت وش اكتب تاني بس عن جد تعاطفت معاكم

موفقين يارب

مرحبا اختي لحظة شروق

سبب تصرفاتج واحساسج هذا ياعزيزتي انها ما طابقت صورة الاخت العودة اللي كنتي طول عمرج حاطتنها في بالج .. كنت اكيد في صغرج تشوفين خوات ربيعاتج الكبار و رزانتهن وكيف ان الخوات الصغار يعتمدون عليهن و يحاولن يتقلدن بهن هذا غير دور الأخت الكبيرة سواء في الكرتون ولا المسلسلات ..
ومن خلال كلامج عن اختج
هي مب متعلمه وهذا اول احباط لج يعني واحد من النقاط اللي تكون مشتركة بين الاخوات مب موجود
ثانيا كانت معرسة .. والزواج بروحه يصنع نوع من الحواجز
ثالثا عفوية ساذجة مثل ماتوصفين وهنيه تكسرت الصورة المثالية للاخت الكبيرة الفاهمه الرزينة الواعية اللي ممكن تحتويج وتوجههج وتعتمدين عليها وعلى شورها

يعني باختصار عندج اخت اكبر عنج ولكنها ما تطابقت مع الاخت اللي تحتاجينها والصورة اللي في بالج
فالحين تبين تتعايشين معاها ومب عارفة كيف لانج محتاجة نفسيا لاخت تحتويج مب انتي تحتوينها فتحسين انكم متبادلين الادوار وكانها هي الصغيرة وانتي الكبيرة ..
يعني مثل اللي حد خااااطره وفي الاخير يعطونه شي ثاني
فقسوتج هذه ظاهره وكانج يالسة تعاقبينها ليش لانها ماطلعت مثل ما كنتي تبين

فكري بها كإنسانه وصديقة وتجاهلي مؤقتا انها اكبر عنج
شوفي انتي شو اللي تبينها تسويه مثل سالفة الصالون وهالاشياء بتكون بينكم اشياء مشتركة و تشابه في المظهر على الاقل .. لكن لاتفرضي عليها شي وتخلينها تحس انج تبينها تتشبه فيج
لانها الاكبر وحتى لو اعجبت بج وبنمط حياتج وستايلج واسلوبج لكن بيبقى في بالها انها الاكبر .. .. حاولي تكونين وياها في نفس الغرفة او سيري اونج بتباتين عندها في الحجرة في الليل واسهروا بالسوالف والضحك الا ما بتحصلون اشياء مشتركة بينكم نحن نرابع الغرب ونكتشف اشياء مشتركة ونندمج وياهم وين عيل ويا خواتنا؟ عقبها بتبدين تحسين فيها يوم تسمعينها وتفهمينها اكثر

الله يألف بين قلوبكم


أنتي يا أختي رافضتها لأنها ما طابقت الصورة اللي رسمتيها بخيالك


هذا مو ذنبها

يمكن هي حتى ما وافقت هواها لكن ما رفضتك

يمكن تشوفك متغطرسة أو متكبرة لكن برضوه قبلتك بكل حب


هي يمكن اسلوبها ما يعجبك لكن هاذي شخصيتها اللي تشكلت من قلة تعليمها و فقدانها حنان الأمومة و توجيهات الأم و نصائحها


حاولي تتعاملين معها كما هي لا كما تتمنين


شوفي إيجابياتها و باين من كلامك أنها حبوبة و خدومة


تناسي السلبيات و حاولي تدورين أي شي مشترك بينكم


ممكن تحسنين من بعض سلوكياتها


أدخلي أنتي وياها دورة تربوية أو اجتماعية عشان ما تحس أن في في تكبر من قبلك


خليها معك على النت و أقري بعض المواضيع اللي تخص الذوق و الاتكيت

و إن شاء الله بتتحسن علاقتكم

يا حرام عليك هى تلاقيها من وين والا وين انتى والزمن عليها الله يكون بعونها مسكينه
من صغرها اختى انتى قعدى مع نفسك واستعيدى شريط حياتها وتخيلى نفسك مكانها
انت وايد صارت لك فرص افضل منها
1-تنعمت بحنان ماما وبابا
2-عشتى الدلال والحنان
3- تعلمتى ودرستى
4-تفهمين بالاتكيت والستايل الحديث والموضه
5- عندك فرص للزواج افضل
ارجوووك احمدى الله على نعمه وارفقى باختك فهى احوج ما تكون اليك

de lyon

هيه عزيزتي .. هي تصلي وإنسانه ملتزمه و ذاكره لربها .... وتر بالعكس أختي والله الكل يحبها ... ويتعاطف معاها ... لانها طيبه وااااااااااايد ... رغم انها لها احيانا تصرفات اتسويها بدون تفكير ... بس يتفهمون هالشي ... بس هي المشكله في نفسيتي ... وأنا في البيت اعاملها طبيعي ... بس كنت اتمنى انه علاقاتنا تكون أقوى وأقرب ... ومثل ما قلتي بحاول ... و( لا يكلف الله نفسا الا وسعها ) لكن أكيد بحاول

مشكوره حبيبتي وجزاج الله خير



ماروكو

مشكور عيوني عالتحليل الدقيق ... وإنج عطيتيني من وقتج
صح كلامج ... ولو اني احس اني ظلمتها يوم قلت انها ساذجه ... هي واااااااايد طيبه وهالي يسمونه سذاجه هالأيام !! ... مرات بطريقه تقهر !!! وأنا والله أحاول في البيت اني أسولف وياها ... بس يبقى الحاجز النفسي الغريب الي مضايقني أنا ... حتى لو هي ما حست فيه !!
هي عندها حجرتها الخاصه ... بس من فتره وهي في الليل ترقد وياي لأنها تخاف ترقد روحها !!
وبالنسبه لي والله ما أفرض عليها شي ... بس هي تاخذ رأيي وأعطيها ... و والله اني اتمنى لها كل خير واتمنى انها تكون روعه في كل شي ... بس أحاول اني اخليها على ذوقها ... واعطيها رأيي بإسلوب تتقبله ..
بحاول اني اكسر الحاجز الي بنيته بنفسي بالطريقه الي ذكرتيها

مشكوره عزيزتي وجزاج الله خير



عزيزتي ديــــــار

أنا والله ما رفضتها بالعكس ... أحاول اتقرب منها بس !! المشكله في شي غلط فيني يخليني ما اقدر !!!!!! استغفر الله ...
وهي مثل ما قلتي خدومه كثير لدرجة اني أعتقد انها ما تعرف كلمة (لا) ... وحتى لو لشخص غلط عليها !!
ووالله انه مافيني كبر والعياذ بالله ... ولا ما كان حاولت أعدل وأهذب هالنفس ... الله يهديني وجميع المسلمين...
بحاول اني اتبع الي قلتيه وإن شاء الله ربي يغفر لي ويوفقني ويهديني

جزاج الله خير أختي الغاليه