هذي قصتي وعطوني رأيكم

بسم الله الرحمن الرحيم

كيفكم يااخواتي

انا اول مرة اكتب هنا وحابة انكم تساعدوني

انا قبل شهرين اخذت كلوميد لان الدكتورة وصفته لي مع ان المبايض كانت تمام ولله الحمد بس قالت عشان

يزيد عدد البويضات وبالتالي تحملين اخذته وبعد اسبوعين جاني الم غير طبيعي وكنت اتحمل يمكن

برد يمكن ماكله شيء مو زين ويمكن ويمكن لين قرب موعد الدورة وزاد الالم رحت لنفس الدكتورة قالت ممكن

حمل قلت انو اعراض الحمل يوم بنتي غير كذا قالت كل حمل ويختلف عن الثاني انا قلت سوي لي اشعة

ابغى اتطمن عالمبايض وكن قلبي حاسني وسوت لي اشعة وتغير وجه الدكتورة وقالت يظهر انو الكلوميد عملك

اكياس مين اللي قالك تأخذين كلوميد وانتي المبايض عندك كويسة انا استغربت وقلت انتي الشهر اللي

فات كتبتيها لي تقولين اسرع بعدين قالت غلطتك انك ماجيني حتى اعطيك ابرة تفجيرية

طبعا كانت تبرر اللي حصل واقترحت اسوي تحليل حمل لان موعد دورتي بعد يومين فسويت وقالت لو حمل

حيكون ضعيف وينزل مع موعد الدورة او بعده واذا استمر لازم مثبتات وصار حمل ضعيف ونزل بعد اسبوع

من تاريخ الدورة وكان من دون دم وانتوا بكرامة نزل علي مجرد خيوط لونها اسود وبني بس

ورحت لها وقت الدورة فيني حتى تشوف الاكياس وعطتني منظم ومنشط ثاني حتى يعالج الاكياس

وانا بيني وبين نفسي ماارتحت للعلاج بالمرة وجتني حالة ماودي اخذها وترددت كثير وكلمتها وقلت العلاج

الاثار الجانبية تبعها صراحة تخوف قالت عادي لاتقرئين الروشتة لان الشركات الطبية تكتب الاثار حتى تخلي مسؤليتها

لو صار شيء ولا احد يقدر يشتكي عليهم البندول وهو بندول له اثار جانبية طبعا سلمت امري لله واخذت

المنشط اسمه نولفادكس ومنظم للدورة الشهرية ورحت لها في عشر يوم للدورة وسوت لي سونار

وقالت يظهر الاكياس حجمها كبير جداً ومايساعد علاجك هنا انتهى عندي تحبي احولك لمستشفى حتى يعملوا

لك عملية انا صراحة انصدمت وضاق خلقي اي عملية وتوك تقولين انو الاكياس صغيرة وماتحتاج الا لعلاج اللي هو

المنظم والمنشط وش اللي تغير قالت المنشط كبر الاكياس اللي عندك ولو زوجك موجود خليه يكلم

اخته بما ان حماتي استشارية نساء وولادة

ورجعت من عندها وانا حالتي النفسية دمار وبكيت لين قلت بس وكان العصر واستمريت متضايقة

للفجر وطبعا خبرت زوجي وقال من بكرة نروح حق اخته واكيد بتشور علينا وش نسوي المهم قبل صلاة الفجر

صليت ركعتين ودعيت وبكيت وسبحان الله حسيت براحة نفسية عجيبة ولله الحمد

ومن اصبحت رحت للمستشفى اللي فيه حماتي وقلت لها اللي صار ووريتها الاشعة وطمنتني وسوت لي

اشعة ثانية وقالت لي انو الاكياس حجمها كبير شوية لكن ان شاالله فيه علاج وكبر حجمها حجم البرتقالة

وعلاجك حبوب منع الحمل وحولتني على العيادات حتى اتابع عندهم وقالت لي اتركي المنظم واي شيء عطتك

الدكتورة اللي قبل وقلت راح تنزل علي الدورة لان مالي الا خمس ايام من تركتهم قالت عادي خل تنزل اهم شيء

صحتك المهم عطتني موعد الاسبوع الجاي للعيادات حتى اتابع عندهم وقالت الدكتورة زميلة لها اذا جتك

الدورة خذي حبوب منع حمل وممنوع الجماع بهالفترة حتى مايصير حمل قلت خلاص

مانزلت دورتي ورحت لموعدي قالت لي الاخصائية تبع الاشعة انتي اللي جيتي الاسبوع اللي راح قلت ايه

قالت اخذتي حبوب منع حمل قلت لا مانزلت دورتي مع اني تركت المنظم اكثر من اسبوعين

قالت ماشاالله الاكياس حجمها مرة صغر وان شاالله ماتحتاجين عملية وش سويتي انا سكت:D

لان هذا شيء بيني وبين ربي فماابغى اقول وش سويت حتى مايكون رياء وكنت حريصة اشرب ماء مقريء فيه

ودهن بطني ومكان المبايض بالذات بزيت مقريء فيه ولله الحمد صغرت الاكياس في اقل من اسبوع

وكتبت لي الدكتورة موعد بعد اسبوعين اللي هو ان شاالله راح يكون يوم الاثنين هذا

بس يابنات نجي للزبدة الدورة مانزلت علي للحين بس جاني كدرة لونها بني وانتوا بكرامة ومرة طاهرة

ومااعرف وش اسوي مرة اصلي ومرة لا وكان المفروض دورتي تجي يوم الاربعاء 25 فبراير لكن ماجت ولا خذت

حبوب منع حمل ولا شيء ولا صار جماع الا مرة وحدة وهو اول ماطهرت من التسقيط يعني ثامن يوم من الدورة

فاليت تفيدوني وش اسوي هل هي دورة خفيفة ولا حمل:06: ولا وش

لاني من جد تلخبطت في الصلاة ومو عارفة هي دورة ولا شيء ثاني انصحوني

الله يجزاكم خير

ادري طولت عليكم بس هذي حكايتي من طق طق للسلام عليكم

وادعوا لي ان الموعد الجاي تكون الاكياس مختفية

والله لا يحرمنا من الذرية الصالحة يارب ويرزقني واياكم يارب العالمين