بسم الله الرحمن الرحيم
- فزعت لها وساعدتها حتى بالفلوس وما شفت منها إلا النكران..
- ساعدتها بكل اللي أقدر عليه ووقفت معها لكن في النهاية صدت عني ونست كل اللي قدمته لها..
- أعطيته وأعطيته من مالي وفي النهاية تنكر لي وتزوج علي..
هذي نماذج من المشاكل اللي تحصل كثييييير بيننا.
أنا ما راح أتكلم عن الحكمة في العطاء والفطنة في هالموضوع.. كلامي بيكون مركز على المرحلة الأخيرة المرحلة اللي يشوف فيها الواحد نتيجة معروفه..
طبعا إما ان تكون النتيجة مرضية واللي تفضلتي عليه ممن رزقوا أخلاق الكرام..
أو يكون لئيم استغل معروفك بالطريقة اللي يشوفها حتى لو كان فيها ضرر عليك..
كلامنا موجه لك أنتي ياللي تكرمتي وقدمتي للناس المعروف..
بما انك قدمتيه (سواء وضعت المعروف في مكانه أو لا) خلاص انسييييييييه..
لو ما قدمتيه ممكن تفكري بالموضوع.. أما يوم سويتيه وخلصتي خلاص أنتي سويتيه لوجه الله يعني انسيه واحتسبيه عند الله هو اللي بيرده لك وبيجزيك عليه ولا تنتظرين من أحد رد لمعروفك وخلي شعارك دائما (إنما نطعمكم لوجه الله لا نريد منكم جزاء ولا شكورا) وكذا بترتاحين..
بتقولين طيب ليه ما يرد أو ترد هي لي معروفي ليه ما يصير لي مكانة عندها؟!
بقول لك يكفيك شرف انه لك منة في عنق هذي المرأة أو ذاك الرجل..
قيل لامرأة من العرب: ماالشرف؟
قالت: اتخاذ المنن في أعناق الرجال.
يعني كونك سويتي معروف لشخص ما هذا يكفي.
طبعا مو معناه تعايرينه صباح ومساء وتذكرينه بمعروفك لأنه ما راح يكون شرف راح يكون استعباد ولؤم منك لو سويتيها بل وإبطال أجر.
الخلاصة:
لا تفتعلين مشكلة لأن شخص ما رد لك معروفك ولا تتندمين على معروف سويتيه حتى لو اكتشفتي انك ما كنتي حكيمة وقتها لأنك إن شاء الله مأجورة حتى لو ما شفتي العواقب الطيبة في الدنيا..
وكونك متفضلة على غيرك وما فيه لأحد منة عليك هذا يكفي!!
ودمتن بخير
محبتكن/ دمعة :smile:
دمعة في الحرم @dmaa_fy_alhrm
عضوة فعالة
يلزم عليك تسجيل الدخول أولًا لكتابة تعليق.
جزاك الله خير
والنكران الله المستعان سار في الكل
لكن نبتغي وجه الله في كل عمل لنا
:26:
والنكران الله المستعان سار في الكل
لكن نبتغي وجه الله في كل عمل لنا
:26:
الصفحة الأخيرة
بس طبيعي بفطره الانسان يتضايق اذا شاف الشخص هذا يتنكر له بابسط شي
الله لا يبلانا يارب