هرمون FSH عندي 130 !!!

بنات أنا الله مارزقني بأطفال .. حملت مره ومات الطفل في بطني في الأشهر الأولى من الحمل ... وحاولت كثير بعد كذا من أدويه ألى خلطات الى أنابيب .. وهرمون التبويض fsh كان مرتفع بس مايزيد عن 20 .. وكان عندي امل بالحمل ... الدوره مرات تجي منتظمه ومرات تتأخر شهر وتجي عاديه

بس صار لي ثلاث شهور تقريبا وانا احس بهبات الدوره ... تعرق شديد فجأه مع تقلب بالمزاج وقلق ونوم متقطع ... سويت تحليل هرمونات ودم شامل كل شي سليم بس fsh طاق الى 130

ماتتصورون حالتي احس بكآبه واحس كل شي أنتهى بالنسبه لي .. الدوره متأخره لها فوق الشهرين وشكلها خلاص اقطعتني ... عمري 44 مع ان امي اقطعتها فوق الخمسين

من قبل كنت اعيش على الأمل هالحين احس هالامل مات وانتهى ... والله اكتب ودموعي على خدي لاني خلاص مابخلف

لا تواسوني لاني اعرف ان الحمل رزق من رب العالمين بس ابي تدعون لي ان الله يعديها على خير ويفرج كربي وهمي ويرزقني من عنده يمكن سبحان الله وحده دعوتها مستجابه

اعذروني على اسلوبي بس ماقدرت افضفض لاحد الا لكم ماابي اقول لاحد من اهلي واحس بعينه نظرة شفقه

كل اللي حوالي حملوا حتى اللي عندهم مشاكل سواء اصغر وحتى اللي اكبر مني هالشعور يقتل .. بس اكيد ربي له حكمه من كل شي والحمدلله على كل حال