هزئها الدكتور ونبها من تكرار هذا الغلط (( الله يستر))

السلام عليكم ورحمة الله وبركاته
حياكم الله اخواتي
سوألي هو عندي قريبتي توها متزوجه مالها سنه ونص وعمرها تقريباً في حدود ال 26 سنه حملت بعد زواجها بسنه 
ولاكن للاسف لم يكتمل الحمل (( قدر الله وماشاء فعل))
في شهرها الثالث جاها نزيف لمدة اسبوع وبعدها طاح الجنين الله يعوضها خير يارب
راحت للدكتور : هشام عرب 
وكشف عليها قالها سبب النزيف بعد الله هو تكيس في المبايض
على فكره (( هي فترة التجهيز لزواجها اتأخرت عنها الدوره لمدة شهرين ))
وبعد الزواج نزلت عليها ثالث يوم من زواجها
نرجع لتشخيص الدكتور
المهم قالهاالدكتور عندك تكيس في المبايض والسبب ان الدوره انحبست عنك لمدة شهرين 
وقال لازم تاخذين حبوب منع الحمل لمدة سنه 
طبعاً هنا امها رفضت بشده قالت للدكتور لا اخاف تسبب لبنتي عقم لاسمح الله 
رد عليها وقال لا مافي حبوب منع حمل تسبب عقم !!!
وقال لازم تستمر عليها لمدة سنه كامله لانها الحبوب فيها مادة تساعد على ازالة تكيس المبايض 
وللاسف ما اخذت الحبوب 
وبعدها ب7 شهور جاتها افرازات لونها مايله للبني
وبعدها تحولت لبداية نزيف وبعدها في يومين خف النزيف وصارت تنزل مع الدم قطع دم جامده 
ورجعت للدكتور واعطاها محاضره عن سبب اهمالها وانها ماسمعت الكلام وماستخدمت الحبوب
عشان كذا ذاد حجم تكيس المبايض عندها ل 6 سم  وللمعلوميه كان التكيس من الاول في جهه وحده 
لاكن بعدين انتقل للجهه الثانيه ... الحمدلله على كل حال
ويقول ان السبب هذا بعد الله انه  ( عيب خلقي) استغفر الله استغفر الله عن هذا المصطلح اللي ما احبه تنزهه رب العالمين عنه اكمل الاكملين
ذحين هو مقرر لها عملية منظار بعد 4 ايام عشان يزيل الاكياس اللي على المبايض 
وهي شايله هم من هالعمليه 
كلمتها وقلت لها اذا ممكن تأجلين هالعمليه لمدة 10 ايام ودليتها على وصفة تستخدمها وهي معروفه 
اخذتها من النت
وهي للشيخ  إبراهيم الرويس
وهي كالتالي
لعلاج (العقم وتكيس المبايض أو اي شىء
في الرحم أو اضطراب هرمون الحليب 
أو خربطة في الهرمونات
وإلاإم الظهر وألرقبة ) : 
هذه الوصفه بعد الله كانت سبب في
شفاء الكثير و الحمل أيضا

الوصفة هي : 
250مل لتر من زيت الزيتون .
فنجال قهوة حبه البركه(الحبه السوداء) مطحونة .
فنجال قهوة حلتيته طازجة لينه . 

- تخلط جميعاً في إناء زجاجي 
وتترك لمدة أربعة أيام مع الرج خلال هذه
الفترة لكي تختلط جيدا هذه المكونات .
ويدهن بها من عند الصدر لحد أسفل البطن.
و الظهر كله لحد العصعص يعني لاخر الظهر
ويترك على الجسم فترة ويكرر الدهان 
في الغالب مع استعمالها قد ينزل قطع كبيرة 
أو نزيف يذهب الباس بإذن الله
وخلال شهر أو شهرين تحمل المرأة بإذن الله 

بنات سوألي هنا 
وش رايكم في كلام الدكتور عن حبوب منع الحمل انها ماتسبب عقم؟؟؟
وكمان وش رايكم في الوصفه اخليها تأجل العمليه وتستخدم الوصفه واذا ما فادت تسوي العمليه 
ولاخلاص تسويها ومافي داعي للوصفه؟؟؟
سوأل اخير وش افضل وأئمن حبوب منع للحمل ؟؟ 
انتظر ارائكم بالذات اللي عندهم تجربه سابقه في هذي المشكله... 
جزاكم الله كل خير يااااارب .