هلي يقولون لي ما احد بيخطبج بعد هاالخطيب

السلام عليكم ورحمة الله وبركاته


خواتي ابا مشورتكم

انا عمري 34 من فتره تقدم لي مطلق

بغض النظر عن اسباب طلاقه وعن اوضاعه
انا يوم تقدم لي ما يهمني اي شي فيه بس يوم سالو عنه طلع اوكي تمام مافي شي يعيبه
عرفنا عنه كل شي وعن اسباب الطلاق وعن اخلاقه وكلشي

لا تقولون لي كبيره ولازم تاخذين معرس ولا مطلق انا صبرت وااااايد
رفضت كثير بسبب الاستخاره سبحان الله يا تجي منهم او مني المهم الموضوع يتفركش
واستخرت فيه ما ادري بس احس اني مب مرتاحه له واااااااااااايد متخوفه ومب متاكده من مشاعري بالضبط حتى


المشكله هني هلي واااااايد مصرين عليه باي طريقه يمكن يخافون اني اعنس


والله يعلم شكثر محتاااااااااااااجه اعرس اليوم قبل باجر اوضاعي كلش مب شي واهلي كلن مشغول بحاله كله يالسه بروحي لا انيس ولا ونيس 24 لحالي دايما


بعدين انا يوم عمري 26 ملجت على واحد خفت اعنس ويضيع عمري بلا زواج واستعيلت وعقب اكتشفت اني غلطت غلطة عمري يوم اني وافقت عليه طلع انسان فاسق اللهم عافنا وفكيت الملجه ووافقت عليه واستعجلت حتى بدون استخارة

مع ان الي تقدمو لي قبله الف مره احسن عنه بس كنت استخير بعد

يعني وايد خرب علي لو صبرت شوي مب احسن لي من اني خربت على عمري وقتها

والمصيبه اللحين كلهم يقولون لي كلمه وحده انتي بعد هذا ما احد بيتقدم لج:44:

انا خايفه من هالكلمه صدق

وخايفه بعد هالعمر كله والصبر كله اخذه ونفس الشي اتطلق ولا يرد زوجته الاوليه بصراحه تعبت وااااااايد من هالسالفه
ضاع عمري كله بالتفكير والهم تعبببببببببببببببببببببت خلاص

مافيني بعد هالعمر كله اصير مطلقه او ابتلي

من قبل لا يتقدم لي احلم احلام غريبه الله يسامحها ربيعتي فسرته لي تفسير مو حلو
وبعد كل فتره احلم احلام غريبه تخوف من صوبه والله يعلم خير او شر الله يعلم بعد ما ابي اتشائم
مع ان كمواصفات حسب ما خبروني عنه وايد عاجبتني بس الاحساس غريب والاحلام هذه



يارب ارحمني برحمتك


على فكرة انا مب رافضة فكره انه مطلق انا خايفه من تكرار تجربة الطلاق معاي ولاني مرييت فيها صعبه ما اتحمل
مشكلتي في استخارتي وخوفي من هالتجربة صعببببببببببببه وايد علي

مافيني بعد هالعمر كله بعد اعرس وعقب اتطلق صعبببببببببببببه واي ما اتحمل اكثر من جيهيارب ارحمني برحمتك يارب