هل أخطأت في حق نفسي

أنا يا بنات متزوجة من شهر 9/2010 يعني عروس جديدة وحامل بالشهر السابع يا رب يتمملي على خير
أنا سعيدة والحمد لله مع زوجي زوجي طيب لأبعد الحدود ويحبني جدا" بيتوتي يحترمني بكل ما تحمله الكلمة من معنى غير مقصر في حقي من جميع النواحي مع أننا دخلنا محدود وعلينا ديون بس الحمد لله وضعنا جيد ماديا "
مشكلتي هيه أنو لما تزوجنا واثناء تحضيرات العرس كان وضع زوجي المادي غير جيد قرر انو يوخد قرض من البنك عشان العرس والاثاث والله يابنات انو كنت أدعي ليل نهار انو ربنا ما يوقعنا بالحرام ويبعدنا عن البنوك والحمد لله ما زبط القرض والبنك ما أعطاه ضاق الوقت فينا وقرب موعد العرس اطر انو يوخد مبلغ من المال مشان نأثث بيتنا من أخوه والحمد لله أثثنا بيتنا وعملنا عرسنا وفندق كمان ، بعد فترة 4 شهور تقريبا أخوه طلبو المبلغ وزوجي ما عندو يسد كاش قرر كمان مرة يوخد قرض من البنك وانا والله كل ما اسمعه بدو يبدأ باجراءات القرض أضل أدعي ما تزبط ويبعدنا عن الحرام برضو مازبط القرض والحمد لله . أنا من باب اني بدي أوقف مع زوجي وأحمل معاه شوي بعت ذهبي وسديت أخوه فلوسه وطلبت منو انو ما يحكي لأخوه أنو الفلوس مني ، ولما عرفت أمي بالموضوع بهدلتني وسبتني ولامتني ، والله يابنات بدي ربنا يوفقنا ويبعدنا عن الحرام وبدي بنتي تتربى على الحلال مش على الحرام أنا بكره البنوك والقروض وربنا حكى عن آكل الربا ( فأذنو بحرب من الله ورسوله )
طولت عليكم كتير بعرف بس بدي رأيكم أنا عملت صح ولا غلط والله لو اني حاسة انو زوجي مش منيح ما بساعدو بقرش واحد
آه نسيت أحكيلكم اني تزوجت بعد ما اجا طلبني مرتين ورفضو أهلي ورجع بعد سنتين وطلبني والحمد لله ربنا تمم
جاوبوني وبردولي أعصابي اللي عملتو غلط تنازلت عن حقوقي ولا لا