هل أطلب الطلاق ؟؟

بسم الله..
بداية مباركة إن شاء .. لأني أول مرة أشارك ، طبعاً كتابة ..

لكني أشارككن كثيراً في همومكن ، من خلال القراءة منذ فترة طويلة ..لما يكتب في هذا القسم ..
فهذا هو الموقع المفضل عندي ،خاصة قسم الحياة الأسرية ..

المهم :::
أبغى أستشير أخواتي الكريمات .. الحكيمات العاقلات .. بأمر حيرني كثيراَ ..
وهو بإختصار :

* صار لي تقريباً خمس سنوات متزوجة .
* ماعندي أطفال ..
* زوجي رافض يحلل أو يكشف ... حاولت محاولات كثيرة بإقناعه .. مرة يصرفني .. ومرة يلف ويدور .. ومرات يقول : أبشري مالك إلا اللي يرضيك .. طبعاً بدون فائدة .. بس عملية تخدير لي ..
* لما كررت الإلحاح والاقناع ولمحت بالطلاق قال : إن شاء الله بأحلل لكن ، ماأبغى مستشفى حكومي لأنه مواعيد ! نبغى نروح لمستشفى أهلي ..!! قلت له : من وين وأنت ماعندك شيء ؟؟
قال ننتظر إلى أن يرزقنا الله !!!!!!!!
* قلت كم : قال تقريباً 50 ألف !!!!! وهو ( طرطور ) ماعنده إلا اللي يمشي حاله !!
* محاورات ومشاورات ..... قال : هذا اللي عندي ...
يعني : لف ودوران عشان أيأس من الكلام معه !!
* تعبببببببببببببببببببببببببببببببت منه .. والمشاكل كثرت ، لأني أحس ببروده ، وعدم تفاعله ، مع أمر مهم ..

* وش رايكم أطلب الطلاق أو لا ؟

* مع العلم عمري تقريباً 31 سنة !
* أمي وأبوي يقولون : ليش ماتطلبين الطلاق ؟؟
* وبعض الناس تقول : العيال موب أهم شيء ؟؟ والرزق المكتوب بيجيك ؟؟

والله محتارة ..

وأفكر حتى بعد الطلاق .. نظرة المجتمع ؟؟ من يتقدم ؟؟ معدد ؟؟ أو مطلق ؟؟ أو مريض ؟؟


تعبت من التفكير ...



تكفون لا تحرموني من نصائحكم ....... فأنا بأمّس الحاجة لمن يدلني على الحق ..
أهم شيء لا تقولون : حاولي معه ..!! مايفيد


عشان ماأحد يزعل لو مارديت عليه :
أنا أتصفح النت إذا جيت عند أهلي .. ظروفي ماتسمح إني أفتحه ببيتي ..

وأنا سأتشوق لليوم اللي أروح لأهلي عشان أقرأ ردودكم ..

محبتكم