هل ارجع لطليقي

انفصلت عن زوجي مدة 5سنوات وعندي منه 3اولاد الله يحفظهم طليقي يحب الماده مع انه بخير ولكنه مايقصر ع البيت لكن متطلباتي ومتطلبات اولاده يعتبرها شئ ثانوي وكماليات عشت معه 4 سنوات بمشاكل وزعل ع هالموضوع والحمد لله جاتني وظيفه وسافرت مع اولادي ووالدتي وكانوا اثنين بس بمنطقه بعيده عنه تحملت الايجار والنفقه وكل شئ يخصني ويخص اولادي ماكان يعطيني الا 1000ريال مصروف للاولاد بس تحملت وسكتت وقلت ان شاء الله بيتغير مع الايام خلال هالمده حملت بالولد الثالث وطلبت منه اذا جاء نقلي نجيب شغاله الاولاد صغار وتساعدني براتبها او استقدامها سوى مشكله كبيره وهجرني وتركني شهرين مايسأل عني ولاعنهم والحمد لله جاء نقلي وحتى ماسأل ايش صار رجعت انا ووالدتي لأهلي ولاسأل وجبت مولدي عندهم ولاسأل لاعني ولاعنهم وقطع المصروف حاولت ارسله جيب مصروفهم مايرد تركته وبعدها بفتره تواصلت معه تعال نتفاهم ونحل امورنا وقال طيب خلال ايام وانا عندك وقفل بعدها ادق مايرد ارسل مايرد ع رسايلي تركته شهر بعدها ولادرى عني رحت للمحكمه ورفعت دعوى طلاق وقلت اما يتحمل مسؤوليته ويرجعني والا يطلقني وجلسنا جلسات لمده شهرين ووعد القاضى يرجعني وبآخر جلسه دخل وقال انا طلقتها ..
المهم تم الطلاق وحكم القاضي بمصروف للاولاد واخذت الاولاد عندي واخذ سنه ونص من بعد الطلاق ماسأل عنهم عرفت خلال هالمده انه تزوج وبعدها بفتره جاءوقال ابي اشوف الاولاد واخذهم يشوفون اهلي وافقت ثم قطعهم 6شهور مايسأل وهذا وضعه طول مدة طلاقي لايعرف عنهم شئ ولايسأل عن احتياجاتهم ومهملهم وكل مره يقطع ويرجع اعاني معاهم باقناعهم هذا ابوكم وزي كذا بس مافيه تواصل روحي بينه وبين العيال قررت ارسله واعلمه باهماله وتقصيره ثاني يوم اتصل وكلمهم وطلب يكلمني وقلت له ماتبي الاولاد يبرونك ويحبونك قال ماهموني وانتي اللي خربتي عشك وانا اللي وظفتك وليتني ماوظفتك <علما ان مو هو اللي وظفني بس يقصد خلص اوراقي>
وانتي عندك راتب جيبي لهم هذولا اولادك قلت انامو مقصره لكن وين دورك حتى السؤال ماتسأل المهم طلب مني ارجع له وانا هنا انصدمت ؟!
وسألته ليش قال عشان العيال وبآخذ لك شقه لحالك فكري بالموضوع ..
انا الحين محتاره هل ارجع له وهو عنده زوجه ثانيه ؟ ابيه للعيال وخايفه من نيته بهالطلب علما انا مابيني وبينه اي تواصل
ابي رايكم واذا فيكم مستشاره او متخصصه تفيدني الله يسعدكم