هل الافضل فصل التوأم في الصف لاول ابتدائي

السلام عليكم
عيالي توأم مطابق ماشاءالله تبارك الله دحين رايحين اولى
ما عمرهم انفصلو ابدا ماشاءالله عليهم نومهم صحيانهم لعبهم اكلهم كل شي ماشاءالله
وفي ايجابيات لفصلهم كل واحد في فصل لحال
وفي نفس الوقت صعب افصلهم اخاف يحزنو وما ياخدو عالوضع كفاية انه اولى مرحلة جديدة عليهم وصعب يتكيفو فيها وكمان نفصلهم عن بعض
علما واحد فيهم جرئ متحدث فصيح ظريف يتحب ماشاءالله تبارك الله
شاطر مستواه التعليمي اعلى من مستوى اولى ماشاءالله يعد من ا ل100
ويقرأ الاعداد من 1ل100
ويجمع
ويقرأ كلمات ويحفظ الكلمات بسرعة
وقرآن حافظ ماشاءالله تبارك الله
ومحب للعلم يعني هوا ما شاءالله تبارك الله يطلب ماما علميني سورة جديدة ماما علميني كدا
ماشاءالله تبارك
واخوه زيه الا في مسألة الجراءة والكلام عادي يعني
وسط
مو خجول مرة فيه خجل بس مو لدرجة مرضية
لا يعني من النوع اللي ما يدخل مع الناس على طول
واخاف كمان لو حطيناهم في فصل واحد ينهضم حقه خاصة لو عملو مقارنة بينه وبين اخوه
ولو حطيناهم سوا يمكن على طول راح يسمع اسم اخوه وهوا لا
ولو كان في فصل منفصل راح يتعاملو معاه كشخصية مستقلة لها مهاراتها وعيوبها بعيدا عن المقارنة مع اخوه
ايش رأيكم افصلهم