هل الزواج مشروع فاشل؟ وش الحل

الحين يوم نشوف مشاكل كم هائل زوجي ما يشتاق لي زوجي مو مالية عينه زوجي ما يسال فيني و لا يصرف علي كيف اجذبه لي كيف اخليه يتصل علي كيف يجيب هدية او يتذكر مناسبة مميزة لي ما يفكر فيني الخ الخ
و الله اللي سنقل تخاف تخوض بتجربة زواج و ينكسر قلبها الحين اللي فهمته منكم انه ما يملا عينه الا التراب و بس كله تراكضون وراهم و لا يبين بعينهم و خصوصا اذا الزوجة تحب زوجها من قلب و متعلقة فيه و الله اني انقهر عليكم و احس بيصير فيني كذا لانه هاذي سيكولوجية الرجل بشكل عام يحب اللي تتجاهله و يبعد عن اللي تركض وراه اذا هذي طبيعته طيب وش الفايدة يا انسان ليش احب و ليش اتزوج اذا بكل الاحوال راح يشغل بالي و ينهد حيلي و فوق هذا مسؤوليات زواج بلا اي اشباع عاطفي
و المسكينة تطرح مشكلتها هنا تقولون لها حبي نفسك قدري نفسك اشغلي نفسك و كأن بيدها هذا الشي! ترى برود الاعصاب و الانانية او الصفات اللي تخلي وحدة تتغاضى و تتجاهل صفات تتربى عليها او تكبر معها مو معقول بين يوم و ليلة او حتى سنة او سنتين تغير من نفسها و تنسى و تتجاهل و الحب اللي تبغاه من وين تحصله؟
لو ان بوستات موجهة للرجال كيف تشبع عاطفة زوجتك بستين طريقة بدل الكم الهائل لبوستات كيف تجذبين رجلك ما حصلنا كل هالمشاكل بالعلاقات كل التركيز على الحرمة وش تسوي ليش
و يوم انها تمل منه يصير بقلبها جرح ما يطيب خلاص يجيها اكتئاب ما عاد شي ينفع و لا تحاول و لا غيره و حتى اذا اشغلت نفسها يظل شي فيها مكسور
اكيد في بعض الاستثناءات بس واضح انها قلة
الحين يعني نترك الزواج ع ما يبدو مشروع فاشل
و الواضح ان الرجل غالبا هو اللي يكسب من الزواج عكس المراة اللي يجي سلبا معاها احيانا ان ما كان غالبا


ربي يجبر بخواطركم آمين