هل الي بيني وبين زوجي مشكله ؟؟ وكيف احلها ؟؟

السلام عليكم

عندي مشكله ومش مشكله

انا متزوجه من سنه ولاعندي اطفال , المشكله مع زوجي هي ماهي مشكله لكن هو شي يضايقني جدآ جدآ

زوجي العزيز تاعبني من ناحية ملازمتة المستمره لي يعني يحب يعرف كل شي عني وايش اسوي ووين اروح يتمنى انو كل العزايم حقت اهلي يحضرها معاي وعزايم اهله مايقصر ياخذني معاه ولو يقدر ياخذني كل يوم عند عزايم اهله اذا طلع لعمله يتصل فيني ويسئل عن كل شي يمللني بجد ويضايقني

يعني مو حلو الزوج يجافي حرمته وايضآ مو حلو انو يلزقلها 24 ساعه

النوم عند اهلي بالموت

حتى اذا حس انو اانا احب برنامج معين او احب اكتب واشخبط في اوقات فراغي يحب يدور لي شغل بهذا الوقت
او يحب يسولف معاي وهو اساسآ مايحب يسولف

وصديقاتي وآآه ياصديقاتي يتعذب لو وحده كلمتني ويتقطع قلبو لو كنت راح اطلع معاهم هو مايمنعني

لكن احسو بس يدق علي ويكلمني ويرسل لي مسجات لو كنت معاهم

يعني يحب يكون حاضر معاي 24 ساعه خصوصآ اذا حس اني مبسوطه مع اقاربي ولاصاحباتي


يعني سرت اكره ارد على مكالماته

احيان اقول يمكن انا طبيعتي غير مباليه فيه ولازم احسسه باهتمامي ويمكن لانو لسه ماعندنا اطفال

ويمكن لانو لسه مكملين سنه من زواجنا

والله هي مثل ماقلتلكم مشكله وماهي مشكله

ومش معنى هذا انو مافي بيننا مشاكل لا بيننا كثييييييرمشاكل الله يعين لكن هذا الشي الي ماعرف كيف اتصرف معاه !؟

لانو ماهو مشكله ولامريحني احس احيانآ انو يشك لانو يحب يفتش بقائمه جوالي ويسال عن الاسماء واذا جتني مسج لازم يعرف من مين واذا اتصل علي احد لازم يعرف مين وايش تقول بالتفصيل الممل ويكره اتكلم عن زميلاتي وقصصي معاهم
مع انو مايضايقني من ناحية الشك لا ابدآ لكن مااعرف اذا هذي بوادر شك او لا ؟



ايش رايكم بنات ؟؟