هل انا خوافه ام فيه احد مثلي تكفون ساعدوني

بنات انا خوااافه بشكل مو طبيعي ساعات اقول لا انا مو لذي الدرجه لكن

دايما الناس يقولون لي وانا صراحه خااااايفه ان الامر مو طبيعي


يا بنات اخاف من كل شي مدري ليه اخاف من المجهول من الظلام من النوم لحالي من الحشرات و الحيوانات

و السفر خاصه بالسياره من الاختبارات من التحدث بعض الآحيان في التلفون اخاف من كل شي

ياربي اخاف فيني شي لما يصير فيني ادنى شي اخاف انه مرض اخاف اسكر علي الباب و انا نايمه

اخاف ما احقق اللي انا ابيه اخاف اني انحط بمكان مو مكاني بكل شي اذا طخ شي و لاشي يجيني حالة

فزع مو طبيعيه اتخيل دائما اشياء و صراحه الخيال عندي واسع بكل شيييي و اذا احد صارخ احس ان نهاية

حياتي بهذا اليوم و كثييييييير اشياء تصير لي يا بنات فيه احد زيي صلواتي مضبوطه الحمدالله بس آخره بعض

الآحيان استغفر دايما ادعي واتعوذ قبل انام دايما اتعوذ و الحين جايتني حاله مو طبيعيه خايفه من الولاده اذا تزوجت

و انا احب الاطفال يعني ناويه اني اصير ام ان شاء الله والله من خوفي اقول يا ليت التبني مو حرام

بس طبعا ابي واحد من ريحتي و غير كذا دايما قبل لقول شي اتردد مليون مره و ما احب احط

نفسي في مواقف محرجه و اصير شايله همه و اذا بتسألون تعرضت لمواقف مخيفه من قبل و انا صغيره

ايه كثييييييير بس انا الوحيده اللي من بين اخواني اخاف اكثر وحده وكلهم عادي و هم متعرضين لنفس

المواقف من مشاهدة اشباح وغيره وغيره


الله يسعدكم دنيا واخره ساعدوني حالتي طبيعيه و لا لا ؟؟!!.


وش الحل ما ابي اروح لدكتوره لأني احب اتخطى هذه الأشياء بنفسي لكن كيف؟.