*·~-.¸¸,.-~*هل انتم عائله منتجه ؟؟ولا عاله على المجتمع!!!!!*·~-.¸¸,.-~*

هل انتم عائله منتجه ؟؟ولا عاله على المجتمع!!!!!

السلام عليكم ورحمه الله وبركاته

اهلين اخواتي :26:

كيفكم

والله انا محتاره ما ادري وين احط موضوعي

قلت ما فيه الا الاسريه هي الانسب

بس ان شاء الله مايصير موضوعي ثقيل عليكم

اخواتي والله فيه موضوع مشغلني ومضيق صدري

من زمان وانا ابي اقوله لكم

هل تحسين انك انجزتي انتي او عيالك او زوجك شي في حياتكم؟؟

غير طاعه الله طبعا وعبادته

اقصد الامور الدنيويه

يعني مثلا تشتغلين تنجزين شي؟؟

والله ان اغلب النساء الحين ما عندهم انجاز ولا غيره

الشغاله هي اللي قايمه بكل الوجبات

وهي ماغير ياتكلم صديقاتها اوتشوف التلفزيون او تروح للسوق

اسالك سوال هل هذا انجاز؟؟هل انتي سعيده بهذه الحياه؟؟

وبعض المعلمات ما اشتغلت الا عشان الراتب فقط والبرستيج عند الناس عشان يقولون موظفه

هل روحتك وجبتك للمدرسه بدووون نفس وتدريس البنات بدوون نفس هذا انجاز؟؟

طيب ليش ما نخترع ولا نشجع عيالنا على الاختراع

بس دراسه دراسه ما نهتم بالجوانب الثانيه

مثل هوايته كثييييييير مننا ما يعرف هوايه عياله

بصراحه احس اننا مجتمع متخلف من هالناحيه

مثل انا واخواتي قبل ماعندنا لا مواهب ولا هوايات يوم فكرت مره ولا كل وحده لها تفكير مختلف عن الثانيه

اللي اهتمامها طبخ واللي اهتمامها الاجهزه الالكترونيه واللي اهتمامها الادب والشعر واللي واللي ....

هالحين هالشباب ليش مانشجعهم على العمل المهني مو افضل من العطاله والبطاله على الاقل يصير منجز شي

يحس انه يقدر يقدم للمجتمع شي يفيدهم به ويفيد نفسه بالشغل

اللي ما فلح في دراسه ليش ما يدخل المعهد المهني الشغل مو عيب حتى لو كان ابوه مليونييير

هذا مو معناها انه يجلس بدون شغل

مو احس من ان الهنود يجون ويشتغلون ويفتحون شركات ويروح لديرته وهو مليونير

وحنا عيالنا جالسين عاطلين

مايقدر يتزوج ولا يقدر يسوي شي

تلاقيه يدور في هالاسواق يغازل بنات الناس

ولا بسيارته الفارهه اللي ابوه شراها له يفحط

ولا يسرق السيارات عشان بس يفحط؟؟اذا كان فقير

لازم نحسس كل انسان باهميته في الحياه كل انسان لازم ينجز

مثل البنت اللي تخرجت من الثانويه ليش ما تدخل دورات كمبيوترولا دوات تحفيظ القران

تحفظ القران تتعلم التجويد ومع الدراسه تتقنها وتصير معلمه في دار التحفيظ

مو احسن من مقابل التلفزيون؟؟عاد هذا غير اللي تشوفه في القنوات الفضائحيه

يارقص يا افلام يا اغاني ماجنه

اللي يهديهم بس

ولا تتعلم الطبخ انا ما احس ان الطبخ فيه انتقاص للمراه

بالعكس عشان تحس بقيمتها الى قدمت للعائله صنف هي اللي مسويته تحس انها سوت شي

تحس انها قادره على العطاء

انا مره سويت فلافل (طعميه) وحسيت اني سويت شي كبيييير

عشاننا دايم نشتريها جاهزه ماعمري سويتها يوم قلت لجارتي

قالت يووووووووه ليش تسوين وتتعبين نفسك اشتري من برى الخمس بريال

قالت موقصدي الفلوس ولا أي شي المهم اني انا سويت شي انجزت شي ما قد سويته

ولا فكرت مره اني اسويه

بالله عليكم هذي وشلون بتربي عيالها؟؟

بتربي عيالها على حب وتقديس العمل؟؟ولا يحاول انه يسوي شي لامته؟

ولا كره أي شي لها صله بالواجبات؟مع العلم انها تكره واجباتها كأم وكزوجه

المراه لازم تحسس افراد اسرتها بانهم قادرين على العطاء على الانجاااااااااز


وش اللي خلى الغرب يتقدمون علينا ؟؟الا احساسهم بذاتهم وتقديسهم للعمل

يعني الحين الى رحتي لاوروبا ماتشوفين ان كل اللي يشتغلون من نفس الجنسيه؟؟

الشوفير حق المطعم والطباخ والميكانيكي كل من نفس الدوله ليش حنا مانصير مثلهم

هذا غير الصناعات هم كل شي يصنعونه

وحنا ليش ما نصنع نا قصنا شي؟؟

حنا مانسوي شي بس نبي كلشي احد يسويه لنا

ليش ما نصنع سيارات وطيارات وش اللي ناقصنا عن الدول الاوروبيه

بالعكس حنا عندنا بترول اوروبا تعتبر قاره فقيره بالنسبه للبترول

بس غنيه بهمه شعبها وعقولهم وافكارهم

مو بس همهم كيف تلبى رغباتهم وكيف يرفهون عن نفسهم

يصنع لنا وننخدم حتى الفرد ما يخدم نفسه وحتى البترول هو اللي يستخرج لنا؟

ليش حنا ما نقوم بكل هالاشياء ناقصنا شي؟؟؟

مافكرتوا عقب كم سنه وش بيصير لنا؟؟

هل بيستمرون باخلاصهم لنا ويعطوننا ويستخرجون لنا؟؟

والله ما ظنيته بيحتلون البلد اللي شعبها عاله عليهم و بياخذون البيترول وانتهينا ارجعوا لاصلكم بيوت الشعر والبر والحر

يجي احد يقول هذي ميزه كثره الخدم

وش ميزته الله يخلف نجيب خدم يديرون شؤون البيت؟؟

ليش ما المراه اللي تدير شؤونه ولا مو فاضيه

فاضيه لحفلات الزواجات والاسواق ومتابعه كل جديد هناك

ولا عيالها وتربيتهم مو فاضيه لها..... العيال وجع راس والعيال والعيال

طيب مو فاضيه تربيهم لاتجيبيهم من الاساس

تجيبين للمجتمع افراد يصيرون عاله عليه

والله اني استغرب من الحريم اللي كذا

هذا امانه في عنقك تسلمينها اللي ما يستاهل خادمه تلاقينها مو دارسه

ولا تدري وش العلم تخلينها تربي عيالك؟؟

هذا غير اذا كانت مو مسلمه

وتعلم الطفل كيف يؤدي فرائض دينها هي

والام ما عليها عاااااادي هالشي عندها

وينشأ الطفل الهويه مو هويه مسلم بس مسلم بالاسم

بالله هذا الطفل تقدرين تقارنينه بالطفل اللي امه مربيته على تعاليم دينه

وتنتبه لكل صغيره وكبيره يقولها وتعلمه الادب

واحترام الكبير والامانه والصدق

انا عندي ثنين من اقاربي

عائله الام ماعندها شغل وجالسه في بيتها تربي عيالها

والام الثانيه تشتغل وراعيه حفلات وزواجات ولاهي داريه عن عيالها

هم وش مسويه ولاوش اخلاقهم

بس والله مافيه مقارنه بعد ما كبروا بين عيال العائله الاولى والعائله الثانيه

الاولى قلوبهم على بعض ويحبون بعض واخلاقهم ماشاء الله احترام الناس وتقديرهم

والثانيه والله كل واحد ماهو داري عن الثاني وعائله مفكككه

ولا احترام للناس ولا غيره

هل تحبين ان تكون عائلتك مثل العائله الثانيه؟؟

حبيبتي لازم تتنبه لعالنا وتربيتهم وتتمي مواهبهم

واذا كنتي ام عامله ودي عيالك للحضانه على الاقل هناك ناس مدربين يعرفون لهم

احسن من تخلينها عند خادمه ماتعرف وش التربيه وتصيرين قلقانه على اطفالك معها

انا عارفه ان كلامي مفكك بس عاد وش اسوي هذا مع الحماس

في الاخير تقبلوا فائق حبي واحترامي