ام الخمائل @am_alkhmayl

كبيرة محررات

هل انتي؟؟ ماذا يريد؟؟ ما يحب؟؟ كيف نتغير؟؟

السلام عليكم حوائيات.........

حمد تزوج نورة اللي تربت في بيت والديها على الخلق والطيبة وتعلمت ان الزوجة تطيع زوجها وتريحه...

بدا حمد يعلم زوجته وش يبغى ووش ما يبغى...

ابغاك تكونين حرمة بيت سنعة..تبيضين وجهي عند اهلي وربعي.. تتسترين ...ما تكلفيني ميزانية كبيرة..ما تكثرين دوجة في الاسواق.. تكونين حييه ...ما تكثرين ملابس ومكاييج وخرابيط في البيت.. ما تكثرين دخلات وطلعات وعزايم وتغيير اثاث ....الخ..

نورة تحب زوجها وصارت تمشي معاه زي الالف ...لامصاريف لاطلعات لا زن لا مشاكل لا دراسة لا هم ولا مسؤوليات.لاجوال ...الخ...عشان يرتاح اضافة لجمالها الطبيعي صار الكل يضرب بها المثل ..

بعد خمس سنوات بس من الزواج فاجأها حمد انه يبغى يتزوج عليها...

بعد الصدمة واللازم منه رجعت لعقلها ورضت بزواجه زي مارضت بالبلاوي اللي قبل...

لكن الصدمة هي :

الزوجة هي فلانة البنت اللي نص وجهها تركيب في تركيب!! بنت دلوعة وراعية سفرات واسواق !!

جابها حمد تسلم على نورة وعيونه بس فيها يخاف تطير...

بعد كم شهر صار حمد ينام اغلب ايامه عندها ولما يجي لنورة وعيالها يكون متقرف ومستجعل...

العروس ماخلت بلد الا ولفتها مع حمد..وما خلت موديل جوال الا اشتراه لها..وما خلت عيادة ولا مشغل للتجميل الا نطت لهم ...غير البيت والاثاث اللي اصرت على شراءه من برا...

اول ما يطلع من عندها تلاحقه بالتلفون والمقاضي ...

جاب لها الشغالة لانها ماعندها وقت لشغل البيت...

جاب لها سواق عشان يوفي متطلباتها...ومشى لها مصروف يتوافق مع تكاليف مكاييجها وفساتينها ....

.................................................. ............

اول مرة نورة تصارح حمد . مو انت قلت انك تحب زوجتك تكون كذا وكذا؟؟

قال حمد لالالالا.............انا اقول ابغاها كذا لكن ما احبها الا كذا!!!

هل انتي كما يريد زوجك؟؟ ام كما يحب ؟؟؟

يلزم عليك تسجيل الدخول أولًا لكتابة تعليق.

تسجيل دخول

$$ليــنا الحلوة$$ • 16 سنة

موضوع باين انه حلو ..اكيد من ام الخمائل :32:
بس مافهمت وش الفرق بين الي يحبه والي يريده ؟؟ او قصدك بين الي اهي تحبه واهو يحبه؟؟

مصرقعة هانم • 16 سنة

فعلا موضوع بالصميم فرق بين اللي يبغى الرجل ويريحه وبين اللي يحبه ويرضي رجولته
مشكوره خموله

ام الخمائل • 16 سنة

هلا والله بأحلى لينا........

الفرق يا قلبي ان الحب غير الارادة...

يعني انتي مثلا (قلنا مثلا لا تطقين :angry2: تحبين تتزوجين واحد شكله حلو وراعي حركات ويسافر فيك لكل مكان وكلامه معسول ..

بس بعقلك تقولين لو كان حلو بيشوف نفسه علي...وراعي السفرات بيكون له سوابق!! واللي كلامه معسول اكيد بيكون له تجارب!!

فهمتي يا قلبي..

كثير ازواج يفرضون على زوجاتهم بروتوكولات معينة من باب الحرص لكن في الواقع هي ما تغريه ولا تقربها منه وفي النهاية كثرة الخنوع بتطفشه منها وبيروح يدور على وحدة جريئة وفيها العناد الطبيعي ...

اتمنى الفركة وصلت...

ام الخمائل • 16 سنة

صريقيع...وش جابك هنا؟؟؟ :Dعندك نسخة طبق الاصل!!

شفتي كيف الابداع....يالله اتحفينا بما عندك...

مصرقعة هانم • 16 سنة

اتحافي موب هنا
انا عاقله هون
بروح للنسخه حقتي