هل اوجه زوجي بخيانته ام كيف اتصرف ؟؟

السلام عليكم اخواتي في الله
لا اعرف كيف ابدا ولكن على كل حال سافر زوجي قبل بدايه موسم الدراسه فجاه الى دبي وجلس الى الجمعه ووصل عندي .. بعدها باسبوعين بدون مافتش جواله. بالصدفه بنتي ورتني صور ومقاطع فيديو في شقه ماعتقد انه فندق مع صاحبه اللي هون عليه المعصيه الفيديو هذا يحتوي على اربعه اشخاص زوجي وزميله وبنتين من جنسيه عربيه لبس قصير جدا ورقص على اغاني البنتين كانو يرقصون وزوجي منسدح يصور ليرسل لزميل له الفيديو وصوره ثانيه سلفي معاهم قاعدين وكانت منهم تدخن وزوجي من زمان مدخن
انصدمت جدا وانحرق قلبي كيف تجرا يسوي كذه وانا مغفله اعطيه من راتبي مبلغ اربعه الاف كل شهر. وزعلان ليش بس هاذي الاربعه قليله ومعتبرني مقصره ومش قد المقام زي زوجات اخوانه .. بس الصراحه هو عصبي ويعاني من السكر واذا تكلمت او ناقشته ضربني وطبخي مايعجبه مع اني اطبخ لاهلي وجيراني واهله عادي محد قال شي بالعكس يمدحون طبخي شككني في نفسي مدري هو يبي يكسر مجاديفي او ايش يبغى يوصل له .. دايما مايوصلني دوامي للمدرسه لاني معلمه واحيانا اذهب مع اخي يوديني لانه نايم بسلامته مايصحا
والنوم نايم بالمجلس لوحده وع الجوال .. سفرياته متباعده في السنه مرتين ..يسافر اول مره مصر واخر مره دبي احسه فلت وعنده من يشجعه
اول ماشفت الفديو سكت محروق قلبي بس ماقدرت اتحمل انفجرت نص الليل وواجهته ليش كذه ضربني وحاول يسكتني عشان بناتي في المتوسط مايسمعونه .. قالي طز فيك وفي اهلك
بعدين اليوم الثاني حلف لي انهم ناس جابو الحريم مو هوه وانهم رقصو نص ساعه وكل واحد اخذ معاه وحده في غرفه .. تذكرو معي تفاصيل الفديو اللي قلتلكم عليها .. وانه ماقرب على وحده فيهم وحلف ع القران فلت نتفق فلوس كل شهر مافي لانك بتفسق وانا اولى فيها قال لا ماقدر .. خلاص سواق وشغاله مافيه .. لكن اوعدك ماسافر خارج المملكه
المصيبه انه حلف كذب فين الناس اللي جابو البنتين ومافيه غير اصواتهم هم بس وزميله وفي شقه وفيه شنطتين وجزمتين له وزميله بس كذاااب
كيف اتصرف معاه اواجهه وعندي دليل مادي ضده وادخل والدي في المشكله ؟؟
لو سكت عادي عنده بعيدها مره ثانيه ؟؟ انا متاكده اما مافكر ولا حسب حساب لي بس خايف من الفضيحه .. وكمان لما واحهته بالفديو في جواله هو سحب الجوال بسرعه عشان ماركز في التفاصيل ..
ماقدر اسكت اتعذب مره وكيف سيناريو المواجهه بالتفصيل علموني ؟؟ هل اشرط راتبي ماياخذ ريال او اعطيه الفين فقط وتخب عليه ع اساس اني اساعده في مصاريف البيت وهو مايستاهل ريال
هل اخبر امه او اخوانه بالفديو عشان اكسر عينه .. مايمد يده علي او يطول لسانه كالعاده اسلوبه تجريح وغير محترم معي ويههدني كل شهر لو تاخر التحويل الفلوس لحسابه طردني عند اهلي
ماعرف كيف اتعامل معاه في الحياه اليوميه .. ناكل ع سفره وحده . اسمح له ينام معي ؟؟ اتجاهله ؟؟
طلبته مصروف من فلوسي اللي تتحول في حسابه كل شهر عشان مايجحدني .. رفض قال روحي لابوك خذي فلوسك من عنده وانا مستخسره الريال فيه
طلباتي منه بالقطاره عشان نوفر مصاريف انا عودته ع كذا .. لكن طلعت مغفله صرفها على نفسه
انصحوني بالتفصيل الممل .. هل المواجهه معه ووالدي في صالحي تنكسر عينه ؟؟؟
او لا .. وكيف اسكت عن اللي شفته ماقدر تعبااااته لازم يتادب ويحسب لي الف حساب لازم
وعندي اولادي اربعه اصغرهم تمهيدي ..
اخاف تكبر السالفه واخسر اولادي وفي نفس الوقت ماقدر اسكت افهموني وساعدوني بالله ..
الله لايجعلكم تحسون باللي انا حاسه فيه