هل ..... ترفع قدر الحرمه وتعزها ؟!!! (( مشكلة ))

السلام عليكم
الله يسعد كل وحده دخلت وقرأت موضوعي وبترد لي
أنا تملكت على واحد توه مبتدي حياته موظف وراتبه كويس بس ماعنده رصيد بالبنك وأهله حالتهم عادية
مشكلتي مع أمي كل يوم تزن على راسي ليش ماجاب المهر ! ( مع العلم اني بتزوج بشهر 10 وأنا موظفة وبديت أجهز من راتبي يعني ماطلبت من أهلي شي ) بس امي الله يهديها مره تعبتني ، كل يوم أتنكد منها علشان الفلوس ماجابو المهر ، واذا جابوه وطلع قليل بدق على امه واقولها مايكفي ، وترى الشقة لازم تكون مأثثه من إلى ، لا يطمعون فيك اذا ماقدرك بالمهر والشقه مارح يقدرك بعدين ، واذا جاب لي هدايا تضحك بالهدايا اللي يجيبها مع أنه كل اللي جاب لي هدايا حلوة مره ومغلفة ( جوال ، وطقم عطور وكريمات ، من غير المشروبات والايس كريم اذا جاني جابها لي أنا وياه )
يعني أنا اشوفه مره مومقصر وكريم مره بس أمي الله يهديها مره تضايقني بانتقاداتها ، تنتقد زوجي وأهله ومو عاجبينها
مع انها كانت موافقه عليهم قبل أنا اوافق
أنا تقدمو لي كثير مره وكلهم مناصب ومراكز بس نصيبي صار مع هذا لانه أفضل من اللي تقدمو لي بالأخلاق وبالدين

أنا مقتنعه أن الفلوس ماتقدم ولا تأخر
أهم شي الشخص يكون مره كويس وغير كذا زوجي مو مقصر وموظف يعني مارح اصرف عليه
بس انه تأخر بالمهر والشقة قالي نتقابل أنا وياك في محل مفروشات وتختارين معي
يعني هو مو غني رجل بسيط وتوه متوظف اكيد ماعنده ملايين
يابنات شرايكم كلام امي صحيح أهم شي الفلوس ويدفع لي مهر كبير مره ( علشان بكره انا اللي اتضرر ونسدد الديون)
وتكون الشقه خمس نجوم !!
والا قناعتي صحيحه انه عادي لو بديت معه أنا وياه حبه حبه مع انه ماقصر من حقوقي بشي
يعني عطاني حقي بس ماعطاني زياده
صدق الزياده هذي هي اللي ترفع قدري عنده ؟؟

بنات مره متضايق من أمي ومن كلامها
خاصه انها اذاا انتقدت اي شي ابقى ساكته وماارد يمكن علشان كذا هي مستمره بالانتقاد
أنا مااحب ارد عليها لاني احسها تغار منه ولا ودي احسسها اني ادافع معه بتقول صرتي تحبينه اكثر مننا
ماادري وش رايكم ..
اللي يوفقكم ودي بكلام يشرح صدري ، من كثر ماتضايقني امي بكلامها صار ينعكس على نفسيتي أصير مو طايقه حتى اكلمه وهو ماله ذنب ، بس نفسيتي تعبت من كلام امي ....