هل تشوفونها مجازفه !!؟؟؟؟

استخيري ٢٠٠٠ اهون من عدم الامان واذا قدرتي تدورين بيت اقل سعر حتى لو شقه الامان مهم مهم والراحه اهم

ياعزتي للمرأه في مجتمعنا اذا كانت الدنيا والأهل ضدها


انا بصراحه اعتبرها مجازفه لأنك الأم والأب بنفس الوقت و٢٠٠٠ مبلغ يادوبك مع العيشه هالزمن


اقترح عليك تدورين بيت سعره مناسب شقه مثلاً وربي ييسر أمرك ويسخر لك الأرض ومن عليها يارب 🙏🏻

شوفي لك الشقق اللي زي الايجار ذي ارخص شي اعلى قيمه ب١٦الف ياخذ القرض النص من راتبك يعني لو ٥الاف راتبك ياخذون ٢٠٠٠بس من غير الفوايد اللي تنزل لك قبل الراتب بيوم يمكن١٠٠٠ خذي لك قرض عقاري هو اللي يعطيك فوائد واقري اكثر عن القرض العقاري وليس القرض الشخصي وشوفي كم يبقى من راتبك والله يسخر لك عباده الصالحين.

اختي يحق لك الطلاق بسهووله بما انه يستخدم ادويه نفسيه المريض النفسي مرفوع عنه القلم بكرى لا سمح الله سوى بعيالك شي م راح يعاقبونه لان مريض نفسي !
الله يعينك ويقويك على مواجهة الحياة لوحدك لاتنسي وراك فاتورة كهرب و موية و مقاضي ومصاريف لعيالك ؟؟؟؟؟ ادرسي كلشيء على وضعك ذا خذي شقه ايجار بالسنه حتى يتوظف ولدك ويساعدك وتشترون شقه على قدكم 🥺💔

وعليكم السلام
جواب السؤال اللي حاطته عنوان هو ( نعم ) مجازفه كبيره جداً انك تشترين بيت
وانتي ذكرتي الاسباب ان اهلك غير متقبلين ورافضين الفكرة يعني اكيد اللي تفكرين فيه يعتبر مجازفه قويه
وانا مستغربه انك تقولين رجعتي لزوجك عشان اطفالك ومع ذلك انتي فعلياً جالسه تنتظرين ان زوجك ينصلح لك انتي !
اجل ليش رجعتي من البدايه اذا لك نوايا ثانيه ؟
ارسي على بر تبين زوج لك ولا تبين ابو لعيالك وبيت يلمهم ؟
حتى انتي ترى لعبتي بنفسيات عيالك مو بس ابوهم
ما صارت كل شوي رايحه لاهلك زعلانه ومنفصله ثم اذا ذقتي الحكره والكتمه والضيقه رجعتي لزوجتك وعيالك المساكين متحطمين ونفسياتهم متدمره من عدم الاستقرار والرعب والخوف والشتات اللي عايشين فيه
انا ما ادري وش المشاكل اللي بينك وبين زوجك ولا اعرف الى اي مرحله واصله سوء العشرة
لكن كلامي كله يتمحور حول نقطة انك كل شوي برأي وكل شوي لك كلمه مره تقولين ارجع عشان العيال واذا رجعتي فجأه صرتي تبين زوج مخلص وفي مستقيم
في زوجات وضعهم يشبه وضعك ويوم اختارو بيت الزوج لانه افضل من ظروف بيت الاهل وافضل مادياً وافضل للعيال ولنفسياتهم واستقرارهم وخلاص احترموا قرارهم وكانو قده وماصارو يلاحقون الزوج ويفتشون خرابيطه الاخلاقيه اللي هم اساساً يعرفونها من زمان وسكتوا وستروا وعاشوا حياتهم وكأن الزوج ضيف لا يحارشونه ولا يسون مشاكل معاه
ما اقول كذا عشان تغيرين رأيك لانك انتي ادرى بوضعك وادرى بحياتك وانتي اللي راح تحصدين نتائج كل اللي تقررينه
انا بس احاول اخليك تشوفين وضعك من جوانب اخرى يمكن تكونين مهملتها
اركدي وعدي الى مليون مو ميه ولا ألف لان واضح انك بسرعه تقررين وتنفذين ماتعطين نفسك وقت تفكرين وتوزنين الامور
الطلاق مو لعبه كل يومين تتطلقين لانك بتوصلين لمرحلة يحرم عليك الرجعه
واذا على الادويه النفسيه مو عيب ولا حرام اذا كانت ما تأثر على عقله او لها علاقه بحدوث ضرر عليكم
فكري وراجعي نفسك ولا تسوين شي الا تكونين دارسته من كل النواحي وضامنه الامان والاستقرار لاطفالك
وتذكري ان طلاقك منه لا يعني انه انتهى من حياتك لان بينكم اطفال راح يبقون مربوطين فيه لأخر يوم في عمره ويمكن ياخذهم يعيشون عنده بعد فتره او هم يختارون بيت ابوهم وما تقدرين تمنعينهم
الله يكتب لك الخير ويرشدك للصواب