19Umthamer @19umthamer

عضوة جديدة

هل تصرفي صح ولا غلط ؟ محتارة

السلام عليكم يا اخواتي

في مشكلة حاصلة الان وصراحة محتارة ومني عارفة هل تصرفي صح او غلط

انا ليا سنتين تقريبا متزوجة وبحكم انو اهل زوجي شوية بعيد يعني في االشهر من مرة لمرتين اروحلهم المهم الزبدة عندي سلفتي هادي في البداية دخلت قلبي صراحة وكانت تتصل عليا كل يومين ومن ساعة لساعتين نتكلم المهم هيا الله يهديها كثيرة كلام عن اهل زوجها اللي هم اهل زوجي فتحت معايا مواضيع ومشاكل قديمة تشيب الراس هيا الان معاهم مرة تمام بس لمن تكلمني تسب فيهم يعني زي اللي بوجهين كدا هيا لها ١٠ سنوات متزوجة يعني تعرفهم اكتر مني وانا والله لمن اروحلهم كافية خيري شري اقدم واجب الزيارة وازا في موضوع اتفتح ما اشارك فيه ازا ما يخصني يعني بالعربي طول الوقت ساكتة وما اشارك بالكلام اللي مقتطفات يعين حالي حال نفسي وبالمقابل ماشفت منهم شي الحمدلله لانهم يعاملوني زي ما اعاملهم المهم في بداية زواجي حصل موقفين مع اخت زوجي ومع الفضفضة اللي بتفضفضها سلفتي معايا في التلفون حكيتلها الموقفين لغرض الفضفضة برضو واقسم بالله ما غلطت عىلى اختو بكلمة وحدة الا اقول الله يهديها

المهم حصلت مشكلة وحطتها سلفتي براسي وصلتها لزوجها انو الكلام جا مني وطبعا زوجها الله يهديه راح لاهلو ويزعق ويصارخ
انا ما اتحملت وروحت حكيت لزوجي قلتلو في مشكلة سايرة كدا وكدا وانا قلتلك عشان ما ابغا مشاكل ووالله اني ما قلت ولا كلمة هيا اللي اتكلمت
قلي زوجي لا ما اظن هادي عاشرينها سنين وعارفينها المهم انا مرة عصبت وسدحت نص الكلام اللي كانت تحكيني وهوا يعني ظلمني وهيا سارت الطيبة

المهم زوجي قلي لو رديتي عليها اطلقك قومت عليه القيامة عالكلمة هادي
سار بس يسالني ايش قالت على مين اتكلمت ها اتصلت ولا لا جات ولا لا كلمتيها ولا لا خلااااااااااص ندمت اني حكيته وكلمته من البداية قلي دي منافقة وسار زي الحريم يدور وراها ايش تهرج وايش جديدها

انا صراحة مني عارفة هل تصرفي صح اني حكيته وبرآت نفسي او من البداية غلط ؟
مع انها حطت كل المشكلة براسي وهيا خرجت منها وانا والله ولا فتحت فمي ويشهد الله عليا .

يلزم عليك تسجيل الدخول أولًا لكتابة تعليق.

تسجيل دخول

وَرد • 5 سنوات

كثيررررر حريم من نفس طينة سلفتك
منافقات معاك وجه ومع اهل زوجها وجه ثاني لامع وبراق
وانتي المفروض من اول ماعرفتي طريقتها بعدتي عنها لان هالاشكال مايجي منها الا وجع الراس والمشاكل
انسي اللي حصل و خليه درس تعلمي منه ماتثقي في المنافقات اللي زيها وسطحي علاقتك معاها للسلام وبس.

تولان • 5 سنوات

الي فات خلاص انتهى وغلط انك تكلمين سلفتك بالساعات وتسمحين لها تتكلم عن اهل زوجك عندك اذا كلمت خلك رسمية وقللي الكلام معها وزوجك اذا سال قولي مابيني وبينها كلام الين ينسى السالفة

19Umthamer • 5 سنوات

وَرد :

كثيررررر حريم من نفس طينة سلفتك منافقات معاك وجه ومع اهل زوجها وجه ثاني لامع وبراق وانتي المفروض من اول ماعرفتي طريقتها بعدتي عنها لان هالاشكال مايجي منها الا وجع الراس والمشاكل انسي اللي حصل و خليه درس تعلمي منه ماتثقي في المنافقات اللي زيها وسطحي علاقتك معاها للسلام وبس.

كثيررررر حريم من نفس طينة سلفتك منافقات معاك وجه ومع اهل زوجها وجه ثاني لامع وبراق وانتي...

عارفة الشخصيات اللي تبكي قدامك وتسوي انها مظلومة وسبحان الله عندهم قدرة جبارة على التمثيل والاقناع ويخلوكي غصب تحزني عليهم ؟
هادي زي كدا والله اني حزنت الين قلت معقولة حعيش مع اهل زوج زي كدا ؟
للاسف لو ادري والله ما دريت عليها

19Umthamer • 5 سنوات

تولان :

الي فات خلاص انتهى وغلط انك تكلمين سلفتك بالساعات وتسمحين لها تتكلم عن اهل زوجك عندك اذا كلمت خلك رسمية وقللي الكلام معها وزوجك اذا سال قولي مابيني وبينها كلام الين ينسى السالفة

الي فات خلاص انتهى وغلط انك تكلمين سلفتك بالساعات وتسمحين لها تتكلم عن اهل زوجك عندك اذا كلمت...

انا الان مرة ما سرت ارد اتصلت كم مرة ورسلت بس ما رديت

المشكلة من ايام خطوبتنا يقلي ابغاكي تتصاحبي مع مرت اخويا فلان مرة طيبة وعلى نياتها

بس انصدمت منها وفي كل هرجة سارت كمان منها بس لو كتبتها محا اخلص

[Faith] • 5 سنوات

جزء من الغلط يقع عليكي..
تكلميها بالساعات حش وكلام مايرضي الله؟
المفروض من اول ماشفتي اسلوبها كذا سحبتي نفسك، النوع اللي يحش ومايخاف الله اكيد بتنقرصين منه..

وانتبهي من جلسات الحش والغيبه والنميمه كلها ذنوب جاريه ومعاصي تنغص عليك حياتك بدون فايده..

واذا زوجك صار يسأل عنها قوليله مادري معد اكلمها ومعد ادري عن اخبارها ولاتسالني عنها صفحه وانطوت..

سكري باب سؤاله واستفساراته وخلي علاقتك فيها في بيت اهل زوجك سلام وسؤال عن الاخبار وبسس من دون مكالمات اللت والعجن..