هل تكرهين شرب الماء؟؟ تقلب معدتك إذا جبرتي نفسك عليه؟؟ تعالي أعلمك الحل ..

صباح الورد .. ومساء الياسمين ..
لأحلى رشيقات ..

بنات أنا قصتي عويصة مع المااااء ..
يا ربي ما أحب أشربه ..
لكن يقولون الحاجة تولد الإختراع ..
الناس كلها تنحف وتواصل على الرجيم وشرب الماء إلا أنا ..
فاخترعت لي عدة طرق .. أشرب من خلالها لترين ماء يوميا ..
من غير ما أحس إني مجبوووورة ..

الطريقة الأولى ..
اخذي 4 قوارير ماء سعتهم نصف لتر ..
وامليهم بالماء الفاتر العادي .. لا بارد ولا حار ..
لأن البارد الجميع يعلم إنه يجمد الشحوم ..
وحطي بالقارورة انبوب تبع العصير .. يكون طويل لأن القارورة غزيرة ..
وانتي جالسة على المنتدى أو أمام التلفزيون .. وانتي تسولفين في التلفون ..أو حتى مع اختك أو زوجك ..
اشربي من خلال الأنبوب .. والله انك بتحسين انك تبغين زياااادة ..
ولا بتحسين بالإجبار .. بس مزمزي على الماء .. واشربي شوي شوي .. لحد ما تخلص القارورة
افتحي الثانية ..

الطريقة الثانية ..
اخذي 8 قوارير صغيرة سعة ثلث لتر.. وامليها ماء .. وحطيها على جنب ..
وقولي لنفسك .. لازم أخلصهم قبل لا تيجي الساعة 9 مساءا ..
وكل راس ساعة اشربي قارورة وحدة ..
وانتي وزعي الساعات على راحتك ..
يعني مثلا تشربين وحدة الساعة 9 الصباح .. والثانية الساعة 11 والثالثة الساعة 12 .. وتتركين ساعات بينهم على راحتك .. المهم تنهين 8 قوارير باليوم ..
والقوارير الصغيرة تراها تشجع .. صغيرونة وحلوة ..
وهاذي هي طريقتي المفضلة ..

أما إلي تحس إن معدتها تقلب من الماء .. هاذي كلها أوهااام نفسية ..
احنا نقنع أنفسنا فيها لأننا ما نبي نشرب الماء ..
مجرد نقول حق نفسنا الماء هو طريقي للرشاقة .. راح تشربين حتى 3 لتر باليوم..

وإلي عندها طرق أكثر يا بنات تخبرنا ..

موفقين يا عسولااات ..

..دانة الدنيا..