هل توافقين لو تقدم لك هذا الشاب ؟ شوركم يا بنات

السلام عليكم //
سؤال // هل توافقين أن تتزوجين من شاب صاحب مكتب عقار يقضي أغلب وقته في المكتب
مع العلم بأنك ستعيشين في مدينه بعيده عن أهلك

انا محتاره بالموضوع وبالبدايه رفضت هذا الشاب لأن أمي كانت تقول ما بتتأقلمين معه
لكن العايله هاذي اتصلوا مره ثانيه يخطبون
بعدها شفت بالمنام أم الولد متزينه وتناظر لي وتبتسم
وقلت الكلام لأمي ولكن حسيت بأن أمي ما ودها أوافق
وكأنها تبي تنفرني شوي منه
قالت الولد يشتغل طول اليوم ويرد البيت ينام وانتي بتروحين قريه بالشمال بعيد وبتطفشين
وهو موب راعي سفريات وانتي ما بيجوز لك الوضع
وبصراحه انا قنوعه وحرام أرد الخطبه
يمكن يكون فيه عيوب لكن بشكل عام هو زين
ويوم قلت لأمي اسألو عن الولد قالت لي تراك ما بتقدرين تعيشين معاه
وصراحه استحيت أصر على الموضوع وأقول إلا أبيه
آآآه يا بنات أمي مو حاسه بالهم اللي في داخلي والسكاكين اللي تغرز فيني
الظروف اللي أنا فيها ما يحتملها قلب بنت
وودي أتزوج وأرتاح ولكن متردده في هذا الموضوع
وانا ما يتقدم لي ناس كثير أبد أبد


شوركم يا بنات شنو أسوي ؟
ودعواتكم لي

الله يجزاكم خير يا بنات
ولكن الله يعافيكم لاحظوا إن أمي مالها رغبه
كيف أبدي رغبتي ؟ كيف أقول إني موافقه ,,, وأنا لمحت لها ولكنها تقول ما يناسبك