هل حصل لك موقف مرعب شيب شعرك و وقف قلبك ولا نسيتيه؟ تعالي واكتبيه

مرحبااااااا بنات شخباركن
كل وحده منا حصل لها موقف محرج او مضحك او حزين او مرعب وهذا حطو تحته ثلاث خطوط
كل وحده تدخل تكتب لنا موقف مرعب حصل لها او لغيرها

طبعا كاتبه الموضوع تبدا احم احم
مره من المماريت ويوم من الايام حصل لي موقف لم يكن بالحسبان
كانو اهلي مجتمعين بالصاله الا وحده من خواتي الله يصلحها وهي السبب بخرعتي وتطير قلبي:icon33:
قامت آنسه ريلاكس وهي طربانه طبعا انشوده باعلى صوتي:7_5_131:
وادخل غرفتنا الا اختي تنادي وانا انشد وطربااااانه:laugh2: وتنادي وانا مندمجه مع نفسي وطربانه ورفعت راسي وياليتني مارفعته شفت وجهاً اسود وشعراً ابيض
:06: واصرخ صرخه حسيت بلاعيمي تشققن :28: اثري اختي حاطه خلطه سودا على وجهها ومايونيز على راسها ومحندره >>يعنيي مبققه>>عيونها :eek: انا من الخرعه طحت على ركبي وقمت احبي واضحك ثمن اركض خطوتين وابكي واحبي خطوتين واضحك ثمن اركض وابكي واهلي:confused- مستغربين تو مافيها شي والحين بحاله شبه طبيعيه وانا احبي واضحك واركض وابكي ههههههه اثري اهلي وراي يحللون انا ابكي ولا اضحك واسمعهم اللي يقول تضحك واللي يقول لا تبكي وانا الين وصلت وحده من الغرف واهلي وراي وجت وحده من خواتي تقول آنسه ريلاكس وش فيك وانتي تضحكين ولاتبكين عاد انا هنا بكيت وعجزت اسكت وامي تقرى علي:icon36::ohmy: واحس اني مستغربه وش جاني ومستحيه على حركاتي الاشعوريه وجاني ابوي قال وشفيك قلت فلانه خرعتني وجا ابوي بيهاوشها وهي هجت تروش بس والله مانساها واهلي ماتو ضحك علي وانا منحرجه بس والله قعدت يومين وانا تعبانه من قلبي ورجفه بس والله حاله عجيبه :29:
الحين كل مانتذكرها نضحك بس ان شاء الله بردها باختي
يالله شمرن عن يديكن واكتبن