هل شخصيتي فعلاً ماتصلح للزواج ..؟

السلام عليكم كيفكم ياحوائيات مع لخبطه النوم
حبيت استشيركم بموضوع صديقتي طلبتني اكتبه لكم وسويت نسخ لرسالتها هذي
صبحكم بالخير ياعزيزاتي انا طلبت هنادي تكتب موضوعي وشفت كثير تفاعلكم بالمواضيع اللي تنزل هنا وقررت اقولكم مشكلتي
يابنات باستشيركم بموضوع زواجي بعيد الاضحى الله يتمم ع خير
انا بنت عشت ظروف ببيتنا صعبه ابوي كان متزوج غير امي ومشاكل وكنت انا الكبيره وعشنا حياه فيها صعوبه ماديا ونفسيا وبحكم اني الكبيره تعلمت لكل شي بعمر صغير الطبخ والنفخ واساعد امي ومشغوله بدراستي غير اشغال البيت لحد ماتخرجت وتوظفت امي بمدرسه مراسله وتوظفت انا الحمدلله بعد وصارت اوضاعنا اوكيه واخواني وصلوا الثانوي صرت انا وامي نصرف ع البيت نتساعد واذ سافرنا انا الي احجز لهم اخواني بالثانوي يقولون سنعينا حتى باختبار القدرات اللي انا سجلتهم مره معتمدين علي اخواني وخواتي وهالشي صراحه زاد من ثقتي بنفسي واذ صارت اي مشكله او ظرف احاول احلها بوقتها واطلع باقل الخساير واحس اني دايم واثقه بنفسي واني اقدر اتجاوز كل مشكله معليش طولت بس عشان تفهمون وضعي
المهم اللحين انا باتزوج الاغلب صراحه قالي انتبهي تعاملين زوجك بالشخصيه ذي تر غبيه وبيطلقك الرجال مايحبون اللي كذا سوي نفسك ماتعرفين ومسكينه وش رايكم والله احس ماراح اقدر واذ صحيح كلامهم كيف اسوي نفسي غبيه وش اللي اتغابى فيه
ربي يحقق امنيات من ترد