هل غلطت بحق امي لاني اريد المحافظه على بيتي وحياتي الزوجية ؟؟؟ اشيروا علي

السلام عليكم اخواتي الكريمات

اختكم في الله وقعت في مشكله وماتعرف كيف تحلها :06:

انا من فتره كتبت في قسم اخر مشكلتي لكن الموضوع الحين اتطور اكثر من اول وللاسف
بحكيلكم قصتي وانتوا احكموا ودبروني لان عجزت وانا افكر مالقيت اي حل


انا تزوجت مثل اي بنت باختيار اهلي للزوج ورضيت فيه رغم اختلاف العرق بدون تفريق لكن الناس تعمل حساب لهذا الامر لكن حنا ماعندنا فرق بين ابيض او اسود
المهم اهلي بعد الزواج سافرت انا مع زوجي للبلد الي مقيم فيه وعدت سنه والا انا حامل المهم ان اهلي عرفوا اطباع زوجي واهله من البدايه حتى من فتره الملكه لانها طولت سنه هم طبعهم قاطين مايوصلون احد لامن قريب ولا من بعيد وانا ماخليت هالامر ياثر فيني ولا يغيرني على اهلي وكملت استمر اتواصل مع اهلي وكل سنه اروح ازورهم لكن زوجي حالته ضعيفه مادياً وبالغصب يدبر مصاريف السفر ويوديني لهم
اهلي طول هالفتره زوجي يكلمهم من مده لمده لكن هم ماعجبهم هالوضع حسبوها غير حساب حطوا في بالهم انه متكبر عليهم وانه يكرهم مع انه ماعنده شي معاهم لكن اهلي دائما يتكلمون عن اهله ويحكون بمساوئهم جدامه وهو يتضايق مااقصد اهله امه او ابوه لالالالا اهله اخواله لانهم اذوا اهلي كثير
المهم انا كملت حياتي معاه وصارلي اطفال منه للحين لنا خمس سنين متزوجين قبل فتره اهلي طلبوا يشوفوني وهو ماعارض لكن ماكان عنده المبلغ حق السفر وكان كل مره يقوللها ان شالله هم فكروها مايبغى يجيبني لهم خصوصا انا اخوي ماشايفني ولا شايف اطفالي من سنتين لانه يدرس بغير ديره الحين اهلي اصروا الا اني اجي في رمضان واجلس معاهم وكانوا مخططين اني لما اروح مايرجعوني لانهم معترضين على عيشتي صحيح اني سكنت مع اهله في الاول ولي سنه من سكنت شقه لحالي لكن هالشقه والله يعلم انه مافيها اي مكملات البيت وانا اخذ اطفالي واسير بيت اهله الي ساكنين جدامي بشقه مثلنا واكل هناك واشرب منهم لان زوجي حالته جدا ضعيفه ومايقدر حاليا ياثث البيت ويكمله وانا صابره ومتحمله لاني ادري ان الامور بتتحسن لكن اهلي ماعندهم هالتفكير ابداً

بعد طلبات ومعاناة اهلي قدمولي مصاريف السفر ووافق زوجي لكن باليوم الي سار فيه يحجز دخل السجن بسبب دين حق بطاقة ائتمان وهالشي مو بايده وماقبلوا يطلعوه الا وهو دافع كامل المبلغ بالزور الا دفع الي معاه والي كانت مصاريف سفري وكم مبلغ من والدته وطلع وانا حامل وحملي مهدد بالاسقاط نزفت مره كثير ودخلت مستشفى لاني خفت عليه وخفت من المشاكل مع اهلي المهم قبل مااسير المستشفى اتصلوا اهلي وسالوني عن الحجز قلتلهم حجزت ولكن انا الحين رايحه المستشفى عندي نزيف قوي اهلي ماتقبلوا الامر وزعلوا عليه وامي الله يهديها لي دعت عليا وتبرت مني ولامتني لاني طعت زوجي والله مو قصدي لكن هذا الي صار وطالبتني بكل مبلغ اعطتني اياه باي وقت المهم هذا كله مش مهم الي قاهرني ان اهلي ماتفهموا وضعي الطبي ويقولولي حتى لو ينزل الطفل تعالي احنا نباغكي تتطلقي وتجي ومابغى بزرهم معاكي ويا ناس هذي حياتي هم صحيح اختاروه لي زوج لكن انا الي كملت معاه هالحياة ومشيت فيا الدنيا مش سهله الحين اترك كل شيء واسير لاهلي هم مش عارفين معنى كلامهم المهم عندهم اني ارجع لهم باي تكاليف وانا حاليا مااقدر اسافر ابدا منعوني الاطباء والمبلغ انصرف في المركز وانا الحين اهلي مايكلموني وادري انهم يحبوني ويعزوني وماحابين لي البهدله والاذيه والله يشهد اني متحرقه عليهم وبالي مع امي لانها مريضه حيل والحين زادت حالتها لكن ادري اذا رحت مابيرجعوني وبتنهدم حياتي مع ان امي عصبيه كثير ومافيه شي يوقف في وجهها تقولي بجيبك وانا والله خاطرها غالي علي لكن شو اسوي بعمري احترت وربي حيرني ماراح ترضى امي الا من اجيلها واجلس جنبها لانها حاسه انها غلطت من زوجتني وسرت بعيده عنها

شو رايكم انتوا .. مين غلط انا ولا اهلي ولا زوجي :06::ohwe: