هل فيه حل لضيقة الصدر؟

السلام عليكم
مساء // صباح الجوري والكادي لكل من مر من هنا
محتارة ما أدري كيف أبدأ موضوعي
اممممممممم
بصراحة احس بضيقة وغصة بصدري
ضغوط الحياة والمسؤوليات ما تركتني بحالي
تعب وملل وكل دقيقة والثانية اتنهد .. ما ابيهم يسألوني وش فيك ؟؟
احتراماً لدمعتي ما تنزل قدام أي أحد .. ولأن أصلاً ما أملك إجابة..
سويت جدولة لأموري ورتبت أوراقي الخاصة بالعمل والخاصة بالبيت ..
حسيت أني قدرت أسيطر على الأمور اللي أعتبرها مهمة الأسبوع اللي جاي واللي بعده .. ولكن ما ارتحت
فكرت
وفكرت
اكتشفت انه يمكن ذنوبي من أسباب الكدر اللي أحس فيه
طيب أصلي يا ناس وأخاف من ربي وأحاول أتقيه
بس اعترف..


الذنب موجود
بس كلها ذنوب صغيرة وتافهة
هو فيه سؤال اخجل أسأله نفسي هل في حياتي ذنوب كبيرة ؟؟؟
يمكن فيه بس أنا أحاول أصغرها بعيني
طيب يمكن تكون بنظري صغيرة لكن بالميزان عند رب العالمين ثقيييييييييلة

ياااااااااااهـ
رحمتك يالله

بس من جد بحياتي ذنوب روتينيه غصب أسويها وما أقدر أتركها أو بالأصح تعودت عليها
طيب ربي راح يقبل عذري لما أقول أتعودت عليها
وين عقلي وتفكيري .. ليه اذنب حتى لو كان ذنب صغير وانا عارفه النتيجة والجزاء اللي راح احصل عليه > لا تحقرن صغيرة إن الجبال من الحصى
واقرب جزاء بالدنيا .. هم وكدر وضيقة صدر


بحاول اسوي جرد شامل لكل أعمالي وتصرفاتي يمكن الله يفرجها
احس ابليس راح ينفجر من غيضه وأنا أفكر التفكير هذا > هههههههههههههههه
بس من جد يا ابليس ضحكتي على شكلك وانت منغاض غيرت جوي هههههههههههههههه


وأنتم وشرايكم هل مرة حسيتوا أن الضيقة اللي تمر عليكم سببها الذنب والمعصية ؟؟
طيب هل تحسون ان فيه ذنوب أنتم تعودتم عليها وما تقدرون تتركونها ؟؟
تقدرون تعدونها ؟؟
طيب اذا تركتوها كيف راح تكون نظرة اهلكم وأصدقائكم لكم ؟؟
راح يقولون هذي أشياء عااااادية وكل المجتمع والعالم يسوونها..
كيف أرد عليهم ؟؟ وأنتم كيف بتردون عليهم ؟؟
فيه ذنوب كبيرة بحياتكم ؟؟ عمركم سألتم أنفسكم السؤال هذا ؟؟ وإذا فيه متى راح تتوبون منها ؟؟


وآآآآآآآسفة على الإطالة
بس حبيت تشاركوني
أستغفرك اللهم من جميع الذنوب والخطايا وأتوب إليك
ربي اعني على ذكرك وشكرك وحسن عبادتك
اللهم اغفر لي ولوالدي وللمسلمين والمسلمات الأحياء منهم والأموات