هل في حياتك مريتي بموقف يخبرك الأطباء بأن هذا الشخص اللي تحبيه،مرضه خطير ونهايته قريب

السلام عليكم اخواتي كيفكم.. معليش سامحوني حدخل في الموضوع علطوول لأن حالتي النفسيه تعبانه والحمدلله..
سؤالي هو / هل مريتي في حياتك بموقف مرض شخص غالي عليكي جدا.. وكان هالمرض خطير جداً،، والأطلاء يقولون لكم ان حياته مارح تطول؟؟ أدري والله العظيم ان الأعمار بيد الله و الله وحده العالم والقادر بأعمار عباده.. لكن تظل وجهة نظر اطباء عندهم معطيات ان الحاله الصحيه للشخص المريض هذا،، انها حاله متأزمه وصعبه،،،
انا يابنات اواجه هذا الموقف الصعب.. ومع مين،؟؟ مع نور عيني وحياتي ودنيتي (أمي) عسى الله يخيب ظن الاطباء ويطول بعمرها ياحي ياقيوم..
امي يابنات كانت طبيعيه.. اللهم بدأ ينقص وزنها.. ومره حست بمغص و وديناها المستشفى طلبو تنويم احنا استغربنا.. وسوولها مناظير وطلبو اشعات كثيره وتحاليل.. وخزعه من بطنها>> هنا حسينا انه فيها مصيبه لكن برضه مو للدرجه الاي في الواقع..
المهم طلع فيها ورم في بطنها .. وطلبو زياده اشعات طاع الورم منتشر بكامل تجويف البطن وقديييييم يعني ورم من زمان بس سبحان الله مااكتشفناه الت متأخر لان الاعراض أصلا ماطهرت الامتأخر والحمدلله على كل حال وإنا لله وإنا إليه راجعون... بنات ترا موضوعي هذا للفضفصه وطامعه في دعواتكم ان الله يمحي السرطان اللعين هذا من جسدها ... واللي مرت بموقف زي كدا ايش كانت تسوي وقتها وكيف صبرت نفسها طبعا بعد الدعاء وذكر الله... وهل احد مر بمرض خبيث وصعب زي هذا لكن ربنا شافاه وعافاه؟؟؟ 
دعواتكم حبيباتي لأمي العاليه..