هل كانت ولادتك طبيعية أم بعملية قيصرية ..؟ حدثينا عن تجربتك..

استغفر الله واتوب اليه

يسعددني أكون أول من يرد عليك
أول خلفتي أجهضت بتوأم
ثاني خلفتي عملية والألام تبدأبعد الولادة بشكل غير طبيعي وداومت في الجامعة مضطره على أسبوعين والعملية انفتحت شي بسيط والتأمت من نفسها ويطول الألام فيها لمدة شهور والله عذاب
الثالث طبيعي ولدت وقلت الحمد لله أحسن من العملية الوحدة تولد وينتهي كل شئ غذاب ساعات وخلاص لكن اللي عذبني بشكل موطبيعي الخياطة ماكنت أنام ولا أعرف أمشي ولا أدخل الحمام وكنت رافضة أروح المستشفى منظر الولادة بين عيوني وعلى الأربعين رحت وقالت الخياطة مفتوحة وقعدت أبكي وقالت بعطيك مضاد حيوي ومرهم واذا ماالتأمت بضطر أخيط من جديد وأنا بس أبكي والجمدلله التأمت بدون خياط
قولوا ماشاء الله جربت كل شئ التوأم والأفراد والإجهاض والعملية والطبيعي والحين المشروع موقف الى أجل غير مسمى هههههههههههههههههههه
دعواتكم لي بحفظ ألادي من كل شر

يسعدني اكون اول من يرد
اول ولادة طبيعية
والثانيه والثالثة شفط مارضو ينزلوا بالحوض
لحظة الولادة سهله لكن العذاب قبل اثناء الطلوق >>>>(تعذيب نفسي )كانت الدكتوره هنديه تهددني بالعمليه تقول نزلي بيبي بالحوض وكنه انا الي ماسكته لاينزل واصييييييييح واخرشي شفط يارب لك احمد على كل حال
وبعد الولادة وضعت لنفسي خطة كنت مجهزتها من الشهر الثامن والحمدلله كل شي تمام
الحين صرت اخاف من الولادة عشات البيبي ماينزل بالحوض احد عندة خبره ليش؟؟؟؟؟؟
ومشكووووووووووووووووره على هالموضوع

يشرفني اكو اول وحده ترد عليك

انا ولدت مرتين ولاداتي كلها طبيعية
ببكري تعبت مرة لانهم سحبوه بالجفت ونزفت بعد ولادتي وحطو لي قطن كثير داخل الرحم لين ثاني يوم عشان يوقف النزيف المهم كنت مرة تعبانة لدرجة اني ماقدرت امشي الا بعد 6 ايام والحمد لله ان شاء الله كلها اجر وجلست حول 3 اسابيع وصرت اقدر اروح واجي واهتم بنفسي لان بالاسابيع الاولى كانت الوالدة لازم تدخل معي لاني مقدر اوقف على حيلي ابد
وبالثاني الحمد لله كانت ميسرة بديت امشي من ثالث يوم مشي خفيف والحمد لله على كل حال بس للحين مقدر اجلس من الخياطة بس اكون على جنبي مع ان لي تقريبا 3 اسابيع بالنفاس بس كل شي باجره الله لا يضيع لنا تعب يارب

حبيت افيدك بتجربتي وشكرا عالموضوع

موضوع روووووووووووووعه

بس الاحظ ان كل الاخوات اللي قبلي كاتبين يسعدني اكون اول وحده ترد عالموضوع خخخخخخخ اجل انا وشو :icon31:

المهم انا ولادتي كلها طبيعي ولله الحمد

ولادتين كانت طلق صناعي بس هالمره طبيعي رحت وانا خااااااااااااااااالصه والحمد لله والفضل له عدت بكل سهوله

انا حاليا بفترة نفاس لي اسبوع تقريبا وماشيه على نظام انا سويته لنفسي (طبعا تجميع من تجارب بنات عالم حواء الله يجزاهم خير) وكلها اشياء مضمونه ومابالغت فيها ابد ابد
وباذن الله بس اطلع من الاربعين واشوف النتايج وباكتب كل شي سويته بالنفاس سواء ايجابي او سلبي

اذا تذكرت شي رجعت

وياليت نرفع الموضوع لانه راح يفيد الكثير من الاخوات