هل لي حق ان اشترط؟!

السلام عليكم

بنات انا عمري صار 25
زمان اهلي مايرضو يزوجونا واحنا ندرس وكنت معهم بهالنقطه بعدهاا صارو يرفضو عشان اختي الكبيره وبعدها اصبت بمس عاشق
كنت انخطبت وماحد يرسلي شخص خطيب من العيله الا ورواتبهم كويسه ثمانيه وكذا لان عارفين وضعي مقدر انتقل من غنى والله الغني فجاه الي فقر لكن ماكان يصير نصيب
اخر خاطب تقدملي راتبه 3 وشوي
قلت معليش ان تاخذوهم فقراء يغنيهم الله
بس ايش مو دارس مو مترسم والزياده السنويه خمسيين ريال مدري ميه وش تفيد بهالزمن حسيته تواكل مو توكل علي الله
رفضته فزعلت امي تقولي انتي تتشرطين وكبرتي ماراح تتزوجين بعدين الا مطلق او متزوج هل صحيح كلامها ؟؟


بنات انا ماتخيل من بعد الدلال والنعمه انط لفقر بسبب رجال يولون الرجال افضل اجلس عند اهلي منعمه ولا المذله او التشحيد اهم شي راحتي
لو اني عايشه بمرتبه ماديه ضعيفه كان ممكن مابيتغير علي الوضع بس كذا صعبببه واهلي بنعمه ماشاء الله صعبه اصير غير عنهم بدرجه كبيره
خواتي وحده موظفه والثانيه بتتزوج دكتور ماشاء الله بيكونون بمكانات مرتفعه صعبه اكون انا بالاسفل فرق شائع خصوصا وعندهم تفررقه مااديه انا بالنسبه لي عادي متواضعه وصاحباتي من كل الطبقات
ماتخيل بيوم استضيق واروح عند خواتي اذل منهم يساعدوني ابدا ابدا خصوصا وان بينا مشاكل وزمان يهددوني بتتزوجي فقير وتجي تشحدي منا وماراح نعطيك لان مرا رفضت بسبب العاشق شفت المووت وهم مايدرون باصابتي انجرح منهم واسكت والله كريم
اناا مااشترط دكتور او راتبه عالي جدا انا اشترط يكون الميزانيه وسط سبعه كذا معقول
خصوصا عشان خواتي ماتخيل اصير غير عنهم بهالدرجه الكبيره وحتي اهلي خصوصا وانهم مو زيي متواضعين ومتكبرين كذا مرا،، انصحهم ان الي غناكم يقدر ياخذ منكم النعمه وكلنا اخوان بالله بس مايفيد معهم لدرجه مايصاحبو الا نفس مستوانا المادي او اعلا
مرا شفت بنت لابسه لبس مو بمستوانا بس انا احترمها كلا بمقدرته وماديته وبذوقه جاتها اختي وتمسك ملابسها تقولها ايش هذا وش لابسه باستحقار هاوشت اختي ان الي تسويه حرام بس ماهتمت !!

مرا سمعت بشيخ يقول الزواج الافضل يكون من مراتب الماديه متقاربه لان هالشي بيسوي مشاكل البنت مابتقدر تتاقلم بسرعه خصوصا اذا اهلها غير وبتضيق علي زوجها وش معني خواتي يلبسو وكذا وانا لا والخ
وانا امنت بمقولته لان وضع عائلتي عنه مختلف تماما
ماشترط راتب عالي زي ماقلتلكم وسط هل لي حق اشترط ؟
انا جميله بشهاده من حولي وجامعيه وابحث عن وظيفه وادب واخلاق مو مدح فيني بس مو استاهل اكثر!
لو موظفه كان ممكن اساعده بس مو موظفه اناا
مرا صاحبتي جابتلي خاطب مدرس بس انه عن طريق قريبتها الخطابه كان ورفضت عشان اهلي مايرضون طريق خطابه
فكرت اكلم خطابه بما اني اشترط وخفت اهلي يزعلو

واكيد اولا واخرا الاخلاق مهمه والدين مهما كانت ماديته. ولازم نسال عنه
لاحد يقول مقوله ياما فقير يعيشك اميره وياما غني يعيشك بشقا والخ من الكلام الي مدري من وين جايبينه
صاحبتي امنت بهالشي وزوجها راتبه 1500 ونفسيتها جدا تعبانه بسبب الحاجه والماديه والاكثر من كذا زوجها يضررربهاا وعصبي ومعذيها شفتو الماديه مو شرط عن الاخلاق ! وصاحبتي الثانيه راتب زوجها ثلاثه وصبرت وتطلقت منه بسبب اخلاقه وظلمه لهااا وبخله

انا حاليا اجلت موضوع الزواج الي ان اتشافي من المس دعواتكم لي بالشفاء متفائله ان الله لم يخذلني
لكن هل لي حق اشترط وانا بهذا السن ؟
خصوصا عندنا صار الزواج مبكر اغلب الي بمعمري متزوجات وخواتي يقولو عني عانس!
لان اختي الي اصغر مني بكثير مخطوبه !


اتقبل ارائكم ووجهات النظر بناء علي وضعي المذكور وليس بشكل عام وبدون تجريح
النفسيات برا لاهنتووو ،،،


(حسبنا الله سيؤتينا الله من فضله إنا إلى الله راغبون)