هل مرضي يعيقني من الزواج(ادخلو وشوفو ايش هو المرض وشورو علي)

مرحبا ببنات حواء
وارجو التفاعل منكم وابداء رأيكم بالموضوع لان هالموضوع مصيررررررررري لزميلتي ومحيرها من شهرين
زميلتي هذي ماشالله جميله وعلى خلق ودين وعلى قدر عالي من الثقافه لاكن الله ابتلاها من 9 سنين بمرض وهو(التهاب الكلى)
ومن اعراض هذا المرض كثرة التبول خلال اليوم يعني كل نص ساعه تقريبا لازم تفضي المثانه حتى لا يزود الالتهاب
وايضا من اعراضه انها اغلب الوقت لازم تكون منسدحه لان كثرة الجلوس تتعب الظهر والكلى يعني ماتستحمل تجلس اكثرمن ثلاث ساعات متواصله(الله يشفيها)
زمياتي انخطبت من ولد عمها وهو عارف انها تعبانه وقال عادي اجيب لها شغاله
بس هي متردده مره وتقول اهله صحيح انهم يعرفون انها تعبانه لاكنهم مايدرون عن تفاصيل المرض مثل انها ماتستحمل تجلس كثير
وهي خايفه انه يتضايق منها لانها اغلب الوقت لازم تكون منسدحه
انا قلت لها خلي امك تكلمه وتصارحه بتفاصيل المرض لاكن هي متخووووفه تقول يمكن يكون مندفع ويبي يوافق على اي شي لاكن اذا شاف الواقع تخاف انه ينصدم
ايش رايكم يابنات بعد ماقريتو اعراض مرضها هل توافق والا ترفض
بالنسبه لولد عمها اخلاقه ممتازه وكريم وبار بوالديه وهو متزوج يعني هي راح تكون الثانيه
على فكره انا اخبرها اني طرحت مشكلتها يعني راح تشوف رايكم