وعشان تحكمون صح
بأعطيكم أهم النقاط
أولا أنا يابنات لااعرفكم ولا تعرفوني يعني مايضرني وش ماقلت لكن الله هو الشهيد على قلبي ولساني
انا انسانة في حالي ومااحب المشاكل وخوافه من المواجهه وعمري ماتهاوشت مع احد وعلاقتي مع كل من اعرف طيبة ولله الحمد ماشاء الله تبارك الله -الله يثبتنا ويهدينا
المهم انا اسمع ان واحد بيتقدم لي قريبا هو طيب مرة مرة
لكن المشكلة أمه قوية وقوتها في لسانها ..
انا ماكنت اعرف هذا الشيء لكن بناتها صديقاتي وهن اللي كانن يشكن لي منها ويبكن من لسانها يقولن مرة مرة شديدة معنا ونحس ماتحبنا..حتى تقذفنا في شرفنا وماترحم ابد ابد
بناتها مره حياتهن تعيسة بسببها
انا صراحه طار عقلي وقررت ارفض لو ولدها تقدم لانهم زوجها وعيالها مو سالمين من شرها
وانا خوافه ومااعرف اواجه ابد ابد
وقلت اذا كذا سوت ببناتها فلذات كبدها اجل شلون زوجات عيالها
طبعا لو تقدم انا راح استخير بس انا أبي من منكن مرت بهذا الوضع وشكرا
يابنات انا وصلني انه يقول لو تزوجتها بأسكن بها بعيد عن امي لاني اعرف امي بس انا مدري مااحب كذا انا احب تكون جدة عيالي حنونة وتاخذهم بالأحضان ولدها من يوم عرفته بيتزوج ولا تزوج مدري وش علتهم..وهي مو متحمسة اصلا لزواجه من اللي اسمعه رغم انه تعدى الثلاثين
البنات اللي ردوا..العلاقه اخليها رسمية لابد من ذلك..لكن اللي مخليني مستغربة بناتها وأولادها وش أقول والله انه من طيبتهم وبياض قلبهم تقولون ملائكة بنتها بارة فيها جدا جدا لكن الأم تسفل فيها وتهينها بشكل فظيع وبناتها اطيب مني كثيييييرررررر
انا من صغري حاطه ببالي ان علاقتي حلوة مع ام الزوج وخواته لاني شفت هذا الشيء بين والدتي وعماتي وام ابوي فتأصل براسي
وعلى فكرة هو ماخطب ..وترى من سنين اسمع انه بيتقدم لي..وهم يومهم بسنة انا ماعلي منه لكن اخاف ارفض واندم او اوافق واندم
واكيد مستحيل بأسكن معاهم هم اصلا بيت ايجار ويادوب يكفيهم وهو ظروفه زفت وانا اعرف قدرتي ماراح اتحمل ظروفه انا ماقلت ابي غني ..بس ابي واحد ميسور لأني عارفه قدرتي وتحملي
