هل ممكن الاب يكره بنته ويهمشها عشان شكلها؟

طول عمري صراحة معاملة ابوي لي كانت سيئة
يعني لما كنت بالابتدائي غصبني اغطي وجهي مو لسبب ديني لكن عشان ما اروع الناس على قولته....


ولما كنت بصف خامس اذكر كنت جالسة آكل وفجأة لقيته يطالع فيني وتعابير التقزز على وجهه، وقال انتي مو بنت ما فيك اي نعومة...
واذكر بصف ثالث متوسط نزلت عنده بالليل بالمجلس وجلست وقال لي فمك ليه كذا شكله ولونه كأنه "*س كلب"... تخيلوا اب بكامل قواه العقلية يشبه بنته اللي عمرها ١٥ بأقذر منطقة بجسم الكلب...
وبفترة من الفترات كانت امي حامل ولما كشفت عن جنس الجنين قال ابوي سمعت ان الحامل يطلع جنينها شبه اكثر شيء تطال فيه. انا طلبتك ما تطالعين بفلانة (يقصدني) عشان ما تطلع البنت شينة... طبعاً بكيت هذاك اليوم لاني كنت لابسة احلى ما عندي ويقال لي كاشخة لأن كان توه راجع من السفر...
طبعاً مو بس هذي المواقف، اشياء كثيرة ما اقدر احصرها بس هذا ابرزها.

المهم بهذا الوقت كانت شخصيتي قوية بالمدرسة لكن كنت اتأثر بالتنمر هذا على خفيف لين وصلت للجامعة وصرت انسانة انطوائية وبدأ تأثير تنمر ابوي يبين علي. صرت استحي من البنات والدكتورات، وما اطلع مع احد ولا اصادق احد لأن احس اني اقل منهم.
وكنت كل ما اجي اسوي شيء اقول بنفسي ابوي كرهني لسبب واكيد الناس شايفينه بعد ومستحيل يتخطونه.


الحين انا ليومكم هذا ما عندي ثقة بنفسي... والى يومكم هذا احس ان ابوي يكرهني ويبغضني بسبب اني ما ارقى لمعايير الجمال الي عنده...


هل ممكن انه فعلاً يكرهني بسبب شكلي؟