هنا تجمع لامهات سنه اولى ابتدائي/يوجد تجمع للصفوف الدنيا

السلام عليكم
ياليت نجتمع هنا امهات الصف الاول ابتدائي ونشوف مناهجهم ومشاكلهم
لان شفت التجمع الاول للصفوف الاوليه بس مالحقت عليهم لانهم ماشاء الله جميع المراحل
واحنا نبغي تجمع للصف الاول فقط لان تعرفون اول تجربه لهم واكيد مشاكلهم كثيره
ياليت المشرفات مايقفلوها لاننا محتاجين لها
اللي ابغيه ايش عندكم نصايح بالنسبه لهم عشان يحبوا الدراسه
وكيف نعزز الثقه فيهم
بالنسبه لي انا هذي اول بنت لي تدرس في المدرسه وياقلبي عليها فصيحه بسم الله عليهاوذكيه بس المدرسه شكلها حامل وتتوحم لانها من يوم جو وهي تصارخ عليهم
حتى انها ضربت بنتي على راسها ضربها خفيفه لانها ماكتبت الهمزه تحت الالف وبنتي تحطمت ماره وخاصه ان قريباتها في الفصل معاها واستحت منهم وجات تبكي من معلمتها وتقولي ياماما هذي جايا تدرسنا ولا تضربنا هذي مو معلمه هذي اسميها معلمة الضرب وبعدينالمفروض ياماما تعلمني كيف اكتب مو تضربني لاني توها تعلمنا كيف انا اعرفها انا قلتلها مااعرف اكتبها علميني بس هي عصبت وضربتني على طول وهذا كلامها اللي قالته بسم الله عليها
بس الشكوى لله انضلمنا بمعلمات مايخافون الله بهالصغار
نفسي اكلمها بس اخاف تحط عينها على بنتي وتعقدها