هواجس متزوجه بآخر الليل

السلام عليكم
مساءالخير
ترددت وايد بل لا اكتب اخيرا قررت فضفض ابغي حد يسمعني و يوجهني
عندي هاجس صار له فترة مخليني اتجنب زوجي و تلميحاته فالليل فاشغل نفسي و اتأخر عشان يسبقني و ينام او العكس امثل اني نايمه قبل لا يدخل الغرفة و هو حاس اني متغيره و يسألني فيج كل يوم اتعذر بعذر يوم ظهري و يوم راسي
أحس ان العلاقة بيننا تحصيل حاصل شو فايدة العلاقه دام استحالة يصير حمل استغفر الله ما في شي مستحيل خلني اقول صعب اني احمل طبيعي لان عندي انسداد فالانابيب2 سببتهم لي عمليتين وحده سويتها قبل الزواج. والثانيه بعد الزواج لازاله الياف خارج الرحم المرض هذا وراثه في عايلتنا امي و خالاتي كلهم مسويين نفس العمليه
عارفه ان العلاقه بين الزوجين مب بس للانجاب متعه سواء في عيال و لا
ياما رجال يشرطون ع زوجاتهم ما يبغون عيال شو همهم ؟اكيد الوناسه
في المقابل رجال يعانون من العقم و حريم محرومات و متأخرات معقول ينحرمون من العلاقه عشان ما في امل فالحمل
كيف اطنش كيف اسكت هالصوت اللي يزن في راسي مليت و انا اناقض نفسي
اعذروني كلامي ملخبط