هود هود يا بنات الإمارات

أنا بس كتبت العنوان جي عاشن أجذبكم ... بس أنا بقيتكم تساعدوني.

عدنا عرس (خالو و عمي) في تاريخ 23/1/2006، و سألت أماية عن الصالون اللي بنسيرله، قالت "بتفق ويا خالاتج و عماتج" هذا الكلام من اسبوع، و اللحين هم من يوم الاثنين يالسين يتناقشون عن لون الدلال "ذهبي و لا فظي؟" عشان من الألوان الريئيسية للكوشة و القاعة هي الأحمر القامج (على ما أظن)، و ما بدؤا بالنقاش عن الصالون، هذا أمر مهم بالنسبة لبنت قدي (13)، بس هم يأجلون كل شي حق وقته، مثلاً اليوم لازم يتحنون، اليوم بيبدؤون بالتفكير عن الصالون و بيتأخرون و مادري شو.

بس مب هاي السالفة، السالفة هي إني أبغي أعرف أسامي صالونات حق الحنا في دبي واايد واايد واايد زينه، مجربه ويمدحون فيها و عندهم ديزاينات حلوة و كشخة و الحنا مالهم زين، و تعرفون الباقي.

و بعد أبغي أسامي صالونات تمكيج لج و تسويلج تسريحات حلوة واايد واايد واايد حلوة و كشخة في دبي طبعاً، و مجربة أكيد.

بلييز ردوا قبل تاريخ 20/1/2006 عشان أعرض عليهم الموضوع!

و اللي عنده ديزاينات حنة حلوة و كشخة تعرضه!

يعني عندكم 15 يوم يا بنات، بلييز لا تتأخرون!

للعلم، نحن ما بنتحنا حق العيد عشان الفرق بين العيد و العرس أقل من اسبوعين، فبتكون إيدينا بيظا!

هيه، نسيت، آخر طلب يا بنات، اللي عنده ديزاينات حق تسريحات للشعر حق جميع الأعمار تعرضه بلييز!

و باي! :(