هوشاتكم مع خواتكم زمان

السلام عليكم ورحمة الله وبركاته
كيفكم صبايا
اسمعو بنات انا أتذكر لما كنا صغار انا وأخواتي كنا على طول مضاربه أتذكر نتضارب في اي زمان واي مكان في السيارة في البيت حتى في الفجر قبل نداوم المدرسة مثلا المهم دائم كنا نتضارب نفسي اعرف ليه أنتو كنتن مثلنا ولا حنا حاله شاذه:eek:
الي استغربت منه ان وحده من صديقاتي تقولي مستحيل تصير مضاربه في بيتهم أبدا ومستغربه من بنات عمها تقول دائم يتضاربون قلت في نفسي لو كنتي شايفتني انا وأخواتي قبل نتزوج احنا وهوشاتنا أضن كان حولوك على مصحه نفسيه،،،
أتذكر من ضمن المضاربات والمقالب الي كنا نسويها في بعض اذكر مره كنت صف خامس ابتدائي وأختي صف اول ابتدائي وكانت شاطره اشطر مني وكنت انقهر منها ورحت مره في الصباح قبل تداوم وأخذت من شنطتها كتاب القراءة مدري وش كنت احس فيه ورعه من جد
المهم لما داومنا وصرنا في المدرسة قلت لها أحسن طلعت كتابك من الشنطه وخليته في البيت
وجلست تبكي مسكينه وسحبت عليها ورحت العب مع صديقاتي
ومره دخلت عندي الفصل وقالت للأستاذ ممكن أكلم أختي فلأنه وجت عندي وقربت مني مسويه نفسها بتكلمني ومطت شعري وهربت:hahaha:
ومغامرات كثيييييييره الله يتوب علينا
أنتو كنتو مثلنا ولا لا ومين تتذكر هوشاتها ومضارباتها مع خواتها تتحفنا بالمواقف،،،،