هوليووود سمايل .. أسنان ناصعة البياض وتطلع لمعة من بعيد هههههه

بسم الله الرحمن الرحي



بنات حواء .. اشلونكم عساكم بخير ..


يابنات وش رايكم في اسنان المشاهير اللي يطلعون بالتلفزيون ..



بصراحه أتمنى أسناني تصير مثلهم ...


فعلا الأسنان البيضاء تطلع شكل الواحد غير حتى ملامحه تتغير ويصير جذاب:hahaha:


طبعا اللي اعرفه انهم يسمونها ابتسامة هوليوود ...



بنات أبغى أسألكم تعرفون مستشفى أو مستوصف يسوي ابتسامة هوليوود هذي ويكون بالرياض ..



بحثت في الجوجل مالقيت شي .. معقولة ماعندنا في بلدنا مثل هالتقنية ...


تعالوا شوفوا البرامج الأجنبية مثل اوبرا وغيرها تلقين حتى الضيوف والجمهور كلهم أسنانهم تهبل وتلق ...


حتى اذا جابوا ضيف مسكين وتعيس وفقير تلقين أسنانة بيضاء ومرتبه من وين له فلوس طيب :hahaha: معقولة كلهم مسويين هوليود سمايل ولا يمكن بعضها تركيبات ...


عارفة ان كلامي ملخبط بس ياليت ألقى أحد يوضح لي ويفيدني لأني صرت موسوسه من ناحية أسناني ..


انا الحمد لله أحلى شي فيني أسناني مرتبه ومصفوفة ماشاء الله تبارك الله وطول عمرها كانت بيضاء بس فجأة تدهورت حالتها وكل مالها تصفر مع اني أهتم في نظافتها علشان كذا ودي أسوي هالتقنية الرائعة ..


يالله يابنات شدوا حيلكم وكل وحده تعطيني ماعندها من افادة ..