الزوجة الذكية هي التي تستطيع أن تتعامل مع زوجها بمهارة وفن ، فكلنا نعلم أنه لا يوجد هناك زوج يتصف بالكمال لذالك نجد في شخصياتهم بعض العيوب ولذالك يجب علينا مراعاة ذالك عند التعامل معهم وهنا يأتي السؤال كيف يكون ذلــــك ؟
وباختصار فإن الإجابة تكون معرفة الزوج ، أي من الأزواج هو ؟؟ ومن ثم تحديد طريقة التعامل التي تناسب نوعية الزوج وطبيعتــــــه .... ولذلك فإننا سنقوم بتقسيم الرجال على حسب صفاتهم وسنحدد كيفية التعامل مع كل صفة :
الزوج ( العصبي ) :
وهو الزوج اللي تفرط اعصابه بسرعه ويوجد عنده
عطب في المخ والمخيخ فاي شي تسوينه مخه يعطيه اشارات ضوئيه حمرا شديدة التوهج تصل الى المخيخ
فيتولد انفجار وصعقات كهربائيه
فلو كان زوجك من هالنوعيه وسعي صدرك ولاتشيلين
هم ولايجيك ضغط وسكر .. لاتشرهين عليه زي ماقلنا لك عنده عطب في المخيخ
والحل انك ماتدخلين معه في مناقشات حاده وخليه يطلع
الشحنات السامه من مخيخه
ولاتردين عليه كلمه ولايسحبك من شوشتك ويحذفك براااا ولو يقولك ساعتها
قومي احلبي التيس احلبيه
مو مشكله ولما يهدا وتروح الحاله كلميه بهدوء وتعقل وحاولي امتصاص شحنة
الغضب فتجدين انك سيطرتي على الموقف بحكمه
الزوج البارد :
هو زي قطعة الثلج مايحس فيك ابد لايفصح عن مشاعره غامض ولايمكنك التكهن عما بداخله
يعني يوم ما تغيرين قصة شعرك وتلبسين فستان جديد
وتتشيكين على الاخر يجيك وعيونه طايره في الهواااا مايناظر فيك ولا شي وانت ودك يحس :icon33:
تقولين بو فلان مالاحظت فيني شي متغير يناظرك
الا كانك شاريه جزمه جديده
ولو اجتهدتي وسويتي له احلـى عشا وشموع وحركات ورومانسيه وهو مافتح فمه بكلمه ياكل وهو ساكت
لاتنفجرين ولايصيبك احباط
تعالي اليوم الثاني وانفشي شعرك والبسي بجامه قديمه
كنتي ناويه ترمينها وسكري كل زر مكان الثاني واجلسي عنده ساعتها احتمال يحس ويقول وين الكشخه
واللبس حق امس !!
ووقت العشا لا تطبخين ولاتتعبين نفسك حطي قدامه
صحن بصل وطماطم ني وخبزه ساعتها يمكن يحس ويقول لك وراك ماصلحتي لي زي العشا الزين حق البارح !!
الزوج اللزقه :
وهو الزوج اللي مايخليك تغسلين مواعينك بعد الغدا ولا يخليك تتهنين بنومه ومجرد ماتغيبين عن نضره ينادي عليك
ومستحيل ترتاحين منه الا لما يخرج للعمل حينها فقط تلتقطين انفاسك . وننصحك انك تتحملينه ولاتتضايقين منه لانه بالنهايه يحبك
حاولي انك توفرين له جرايد بالبيت واشياء يتسلى فيها ودلة شاي وفصفص عشان ينشغل عنك ومايناديك كل شويه
الزوج المهمل:
وهو الزوج اللي يترك لك الثلاجه خربانه ويقول لك ودي اغراضك عند الجيران بس يوم واحد على مااصلحها لك يوم يومين ثلاثه الاانتي طاح وجهك عند الجيران وثلاجتكم الخربانه طلع فيها فقع وهو كل يوم يقول لك
بكره نسيت عندي شغل ظهري يعورني محل الالكترونيات مسكر
انت هنا لاتعصبين ولاترفعين ضغطك
ولاتحذفينه بطفاية الدخان كل ماعليك انك تتعرفين على كل السباكين والكهربائيين الهنود والبنغالين اللي في البلد وتاخذين ارقامهم دقي عليهم يجونك برسم الخدمه يشيلون لك الثلاجه وريحي بالك
الزوج الكريم
وهو الزوج اللي مستحيل يمر يومين الايقول لك جهزي العشاجايينا ضيوف
عند الباب ونبي كبسه من ايدك الحلوه انت هنا يدورراسك وتصافقين
باالابواب مافي الاقدر الضغط يفك الازمه ويجي اليوم الثاني نفس الحاله
تفتحين الفريزر مافي لحم تعلمينه يقولك وين راح امس كنت جايبه
اكلتوه البارح ياقلبي يقول لك مومشكله سوي بدجاج واليوم اللي بعده
مومشكله صينية مكرونه وخفايف تفي بالغرض انتي هنا لايضيق
صدرك ولاتتعقدين اتفقي مع مطعم يوصل جميع الاشكال والالوان ولايهمك السعر كل ماقالك اطبخي قولي
ولايهمك ٥ دقايق بالكثير ويكون جاهز
الزوج المراهق
وهو الزوج اللي يمشي ويناظر بالنساء الاخريات سواء
في التلفزيون او السوق او اي مكان
هذا النوع من الازواج يحب الرومانسيه وكلام الغزل
والاناقه باللبس والتجديد الدائم
يعني خليك دايما على سنقه عشره اهتمي برشاقتك ومظهرك واتبعي اخر خطوط الموضه وجددي بشكل
مستمر قصات صبغات مكياج
اعتبري نفسك دائما عروس جديده ورود حمراء رسائل
حب دلع غزل اخرجي معه طلعات رومانسيه وسهرات
حالمه