.يسعد مساكم :26:
ما احلاكم
مادري وش بكتب مقدمه .....وش المناسب اكتبه اذا بشرح عن مكنسه كهربائيه
لكن اقولكم من البدايه
{ مقدمه بسيطه }
في يوم قبل كم شهر وصلني رقم غريب على الجوال .... رديت ..وكان واحد جدااااا لحوح ( كرهته )
كان يعرض على مكنسة الريمبو ( Rainbow ) ------> انا اعرفها بالاسم وسبق شفتها بس ما دققت فيها
ومنه كلمه ومني كلمه اقتنعت اشوفها
وجاء ثاني يوم وعرضها علي
الصراحه ماقدرت اقاومها
شي شي شي رهيب .......طلعت من موكيتي اشياء عجيبه ----> بالرغم انه يعتبر جديد ...ما مر عليه وقت وانا اكنسه يوميا
اللي خلاني متردده سعرها
سعرها شي خيالي (9000) وشي
لكن بحسبه بسيطه وبالنظر لعملها
قررت اشتريها
وماندمت ابد ابد
لاحد يجي يقول مجنونه ...ونصابين ومدري ايش
اللي ماجربها لا يتكلم عنها
وحده اعرفها قامت تشيل وتحط ...وهات ياسب وشتم
قلت لها جربتيها ...قالت لا لكنها عند اهلي وما يعرفو لها والشغاله تقول ما تكنس -----> شغاله لاحظو
الشغالات اول شي يسوونه اول ما يوصلون للبيت ....يكسرون المكانس
فما بالك بمكنسه بهالسعر ....حرام تلمسها
لها قوانين للاستخدام واشياء كثيره عشان نحافظ عليها
الصراحه اذا تذكرت سعرها يقرصني قلبي
لكن اذا اشتغلت فيها اقول الحمد لله انها عندي
نفعتتتتتن مره ....وماصرت اقدر استغني عنها
هذا غير النظافه اللي تخلفها
نظافه وريحه وتحسي المكان منتعش ومافيه غبار ------> اهممم نقطه فيها شفط الغبار من كل شي
حتى من الهواء اللي حوالينك ...واتوقع سكان الرياض اكثر المستفيدين
ومرضى الربو طبعا بيستفيدون منها كثير
وهذا كله يرجع لان فلترها مو قماش ولا كيس
الفلتر ( ماء )
وهذا سر نظافتها .....فلتترها ما يخلف هواء وغبار خلفه
غير قوة الشفط ....شفط عميييق ممكن يشفط الغبار من داخل الكنب
وهالشي شفته بعيني ....مو كلام
والصور راح توضح لكم
غير تنوع عملها ....كللللل شي تسويه
كنس وغسل موكيت ...وغسل رخام
وفوق هذا كله تنشيف
وايضا تعقيم الجو والمفارش ...وتخلصك من عثة الفراش
مجرد تحطين الوسايد واللحف بكيس كبير ....وتضيفين المعقم لفلتر الماء ....وتشفطين الهواء من الكيس
مثل طريقه اكياس الضغط
هالعمليه بتكرارها تخلصك من العث والغبار ...وتنظف وتعقم المفارش والمخدات
لو تشوفون الغبار اللي يطلع منها
تقرفون من حالكم برغم ان عندي وسواس نظافه .....وطووول الوقت انظف
الا اني شفت شي عجيب منها
البعض قالي ثقيله ومادري ايش وملحقاتها كثيره
بالنسبه للحجم ..زي اي مكنسه وبالعكس حركتها سلسله ومتينه
واغراضها ...اطلعها على حسب الحاجه
انا بما اني استخدمها شبه يومي ...خلاص تعودت علها
وعموما الملحقات الصغيره تكون معلقه فيها بمكان خاص وين ما تمشين معك
خلونا نبدا نتعرف عليها وعلى الملحقات وعمل كل جزء
بسم الله نبتدي
هذي هي العروسه بكرتونها
والكرتون اللي فوقها للعصا ومحرك الكنس ----> فيها محرك نفس القطعه
واللي فوق لغسل الموكيت والرخام
وهذي هي شكلها الخارجي ...تراها صغنونه مو كبيره لا يغركم التصوير
مع خرطومها وجهاز الكنس
نشوف مكبسين على الجنبين .... هذول عشان نفتحها ...نفكهم ....
ومن قدام تحت مدخل الخرطوم برضه مكبس نضغط عليه
نمسكها من فوق ونسحب
بتطلع معكم بكل سهوله
ويطلع لنا وعاء خفيف وشفاف ....هذا هو الفلتر نعبيه مويه للكنس
ونفرغه من المويه لو حابين نغسل موكيت او رخام ....وبعد نفرغه لو حابين ننفخ بجهاز ضغط الماء
انتبهووووووو لهالنقطه
وبشرحها بعدين
هذا مكبس التشغيل
وعلى تحت مكبس التشغيل الهادئ والصامت لفلترة الجو
يجي معها خرطومين
خرطوم عادي ....لكل الملحقات الصغيره والنفخ ...وضغط الماء
وخرطوم بتمديدات كهرب ( اللي على اليسار ) هذا لجهاز الكنس وجهاز غسيل الموكيت
وبتفهمون اكثر بعد شوي
جوده ومتانه ...صناعه قويه ما يستهان بها
هالقطعتين ...اللي فوق بالاسفنجه هذي لفرك السيراميك بالصابون ....وشفط الماء والصابون ....يعني للغسيل اليومي للمطبخ والحمام
واللي تحتها للستاير ...شفط قوي بدون ما تخرب الشكل او تشفك القماش للداخل
بالترتيب من اليمين ...لكنس الكنبات والمجالس ....وشفط المويه او اي عصير ينكب
الطويله لداخل الكنبات والاطراف والزوايا
الاخيره ام كشه للاكسسوارات ...الاباجورات ...الثريات واللمبات ....الدواليب ...وحتى التي في ....يعني تشفط الغبار من الاثاث
وهالمزيون جهاز غسيل الموكيت والرخام...يغسل ويفرك ...وبعدين يشفط وينشف
وهذا جهاز ضغط الماء .....يذكرني بالبستم حق السيارات ...رهيييب
والانبوب الطويل هذا للشبابيك ...للمجارير حقتها
والصغنطوطه لنفخ البالونات ...يمه اخاف من البالونات
وهذا صابون الغسيل ...والمطهر
ومعاهم اربع علب معطرات جو باربع نكهات
هذول يجون هديه
وممكن بعدين لو حبيتيهم تشترينهم من نفس الشركه
بس غالين بالفين وشي
نسمي بسم الله .....نشبك طرف خرطوم الشفط
لاحضو هنا كيف ان طرف الجهاز فيه سلك مشبوك فيه ...لما نركبه نشبك طرفه الثاني بجزء خاص موجود بطرف كوع الخرطوم
وبنفس الكوع فيه مكبس خفيف نضغطه واحنا نكنس عشان نشغل محرك الكنس
وهذي الدرجات خاصه بطول نسيج الموكيت ....واحد للقصير
اثنين للوسط
ثلاثه للموكيت اللي شعره طويل ...شعره طويل لانه بيلفح فيه هههههههه
هنا الفلتر عبيناه مويه .....انتبهو الماء نظيف .....وبكنس لكم متر بمترين بس من صالتي
وبتشوفون العجب العجاب
لا تقولين انتي وسخه وماتنظفين زين
لا لا صدقوني هالشي عندكم كلكم
ولا تقولون ما عندنا موكيت .....اللي بيوتهم سيراميك ورخام ....عندهم اكيد سجاد
نشغلها ونضغط على المكبس بالكوع ونسمي بالله .....تراها سلسسسسه مره وتمشي بسهوله
لا تحسبونها ثقيله من شكلها
واحلى شي ...الشعر---> عقدتي ...لا تشيلين همه ...تشفطه وتشفط ابوه معه
وهنا ردا على اللي يقولون ما تدخل تحت الاثاث ....اكيد اذا الاثاث مصمت ما بتدخل تحته ؟؟؟!!!!
وتحت الصوفا
واذا خلصتي بالمره عدي على الخداديات والمراكي
هاه تبون تشوفون الفلتر ....؟؟؟؟؟!!!
لاحظو اني اكنس كل يوم ....بس عشان تعرفون الجو العدم اللي عايشين فيه
ملاحضين ..؟؟؟!!!
والله اول مره كنست طلع معاي طين
شوفو كيف الغبار ...والشعر ----> موب شعري ترا <<< احلفي شعر مين اجل
هههههههههه شعر حمتو اللي يهفهف
مو قلت لكم شي مقرف ....تقرفين من نفسك
لكن المريح انه مع تكرار الاستخدام ....يخف الوسخ
هنا نشوف جهاز الغسيل .....يصلح طبعا للموكيت ....والرخام
للرخام يشترط اضافة هالقطعه البلاستيك للمقدمه عشان ما تحتك بالارضيه وتتكسر
والفلتر لاااااازم يكون فاضي -------> انتبهي نقطه مهمه لانه انتي عندك مويه بجهاز الغسيل
وراح تغسل فيه وترجع تشفطه للفلتر
هنا اوضح بالصوره الربل اللي نضيفه لما نغسل الرخام
وهذا الخزان نسحبه ----> طبعا يطلع على طول بيدك
ونقلبه
نلاقي فتحتين ...حسب ماهو باين بالرسم
الكبير خزان مويه بس
والصغير الي على اليسار نصه ماء ونصه صابون
ونرجع نسكره ونقلبه ونركبه بمكانه
ونمسك الكوع من فوق ونضغط على المكبس ..( مكبس صغير وخفيف بلمسه بسيطه يشتغل )
يعني حساس
ماتخافين وتقولين الله يعين بتعب من الضغط
هذي فرشة عيالي <<<< بزران وغرفة العاب ....ملاحظين الوساخه <<<<..تحسوني فرحانه بالوساخه هههههههههه
يالله نسمي ونشغلها وفيه زر جنب الخزان لازم نخليه على وضعية ضخ الصابون والماء
الحين بوريكم اياه
شوفو اذا رفعت المقدمه كيف الصابون يطلع زي البخاخ
يااااي انتعاش
وتراها تبخ ...وتدور الفرشه تفرك ...وترجع تشفط
كله بعمليه وحده
لاحظر دوامة الصابون بالواجهه البلاستيك
شايفين المكبس على جنب
هذا اذا فركتي كللللل الفرشه
ترجعين تحطينه على وضع الصفر ......يعني تبطل تضخ مويه وصابون
وترجعين تمرين على الفرشه عشان تشفففط بواقي الماء وتنشف الموكيت
شايفين تلقققق لقققق
ماشاء الله توسع الصدر ,,,وتراها ناشفه ...بس عشر دقايق وتنشف
لا تقرفون تكفون
شوفو الفلتر ...وعععععععععععععععع
بعد ما نخلص نغسل الفلتر عشان ما يخيس
وفيه خطوات بسيطه عشان الاوساخ ما تتراكم على الخرطوم والجهاز ....وبكذا نحافظ عليه وعلى جودة عملها
اولا نفرغ الخزان اذا خلصنا ....نفرغه من المويه والصابون
ونفتح الواجهه .-----> بيشرحها لك مندوب المكنسه
لانه صعب اشرحها لكم برغم انها سحبه بسيطه
ونمسحها بمنديل .....ملاحظين كيف الاوساخ
وبكوع الخرطوم ....نشفط مكان تركيب خزان الماء والصابون عشان الترسبات
وبعدين شوفو الفرشه ....
لاحظو معي الخطوات
نقلب الجهاز ....ونسحب الفرشه ----> تطلع معك عادي بس خليك حنينه ...بلاش عفاشه خخخخخ
ونمسحها بمنديل او فوطه ....ونرجعها ...بالله شوفو الشعر ...يخييييه
وخلاص خلصنا ...ونتهنى بالنظافه
يتبع,,