واااااه رحت السوق اليوم واه لو تشوفون الي شفته ..

واااااه رحت السوق اليوم واه لو تشوفون الي شفته ...

وش شفتي ياحظي بلوزه ...
لا...
فستان ...
لا ..
جوال ..
لا ...
سياره ..
لا ..
كوره ..

يوه وش هالاشياء شفت انسان شخص يسمى برجل ياعليه جمال ياعليه عيون ياعليه ضحكه <<معليش انا بروح الحمام بطني قلب
*
*
*
هذي مقدمه بسيطه عن موضوعي <<ترا صدق بطني قلب يعني بطلع بالعربي

ياناس بنت بنت الي الحيا يرفق معاها تقول كذا في انسسان شافته بالسوق ولا بتلفزيون ولا بمباره ولا لا
المهم انها شافته بمكان ماا لو انه صحرا اهم شي مايفوتها وتشوفه وتوصفه هالوصف
لو قلت اوصفيلي ابوك ماوصفته مثله

طيب وين الحيا لدرجة انك توصفينه عيونه شعره لبسه ضضضحكته :icon33:

حرام والله حرام انتم ماسمعتو بغض البصر ولا عبالكم بس غض البصر لرجال وانتم حلال عليكم

تقول لي وحده الله يستر علينا وعليها وقولو امين

تقول كانت عندي وحده من قرايبي بس اصغر مني المهم تقول انا من النوع الي ما اناظر واتامل ابد وان شفت اكون لمح بصر وعادي امشي وانسى الي شفته
الززبده انه قريبتها ذي دايم تكلمها وكل ماشافت شخص وعجبها تمدح فيه حتى لو بالتلفزيون
يعني تقول والله لو اشوف الشخص عادي من كثر كلامها تحليه بعيني تقول انا شايفتها اصغر مني وقلت تكلمني ولاتكلم غيري احسن ودايم اضحك عليها واقول مدري متى بتعقلين
ويوم ورا يوم ورا يوم لما جا يوم <<المهم جا يوم ونزلت السسوق بعد ماخلصت اغراضي وكذا جلست صرت اتامل خلق الله عدتني
بعدين استوعبت نفسي اش قلة الادب الي فيني
تقول هي مره وبصراحه مو تامل يعني انا اشوفه تامل لاني ما اناظر اصلا
واذا شفت رجال على طول اغطي نفسي زين
المهم لما شفت حالي كذا قلت والله مافي الا اني اقاطعها لان البنت مي راضيه تتعدل
خلاص شي اساسي فيها الله يهديها يارب وفعلا ماصرت اكلمها بالتلفون ابدا بس طبعا بالمناسبات
اجلس معاها ولو جابت مثل الموضوع اغيره على طول او اقوم
لو قدر علي الشيطان مره مستحيل اخليه يلعب فيني مره ثانيه
والحمدلله ارتحت بعدها ومقتنعه بالي سويته ميه بالميه
*
*
*
شوفو حبايبي صديقتك بنت خالك بنت عمك والله ولا وحده منهم راح ينفعونك
خلك قويه اقوى من الشيطان وحطي حد لذا الشي

انتي اكبر من هالمستوى ارفعي نفسك ارفعي مستواك لاتنزلين نفسك لهدرجه راح تندمين صدقيني

وبعدين البنات الي اش اسميهم ما ادري المهم لما يجون يطلعون
ووحده من صحباتها بيجي اخوها ياخذها بكل جراءه اخوك بيجيك اصبري بنطلع معاك بنشوفه
والثانيه تقول يلا
يعني تقوليلهم يلا على ايش عشان اخوك يشوف صحباتك يتفرجون فيه
ويقول ماشاء الله على صحبات اختي مؤدبات مثلها سبحان الله <<انتم عارفين ايش راح يقول فليش تحطون نفسكم بهالشي
*
*
*
ولا لو شافو اخ فلان يناظرهم يووه يابنات شفتو اخو فلانه عينه طويله
سلامتك ياحلوه الي حتى نظراته شفتيها وعرفتي انه عينه طويله طيب يمكن الولد مسرح
وحتى لو عينه طويله انتي عينك وش تسمينها
انتي مافضحتي الولد وبس انتي حتى نفسك فضحتيها
هذا اذا مو فاضحتها من زمان وكل يوم تتكلمين عن واحد شفتيه

:44:

وبالاخير يابنات فين تبغون توصلون اي حد
ترا الانسان مبتلى ويمكن ربي يبتليك بواحد عينه اطول من عينك
ويبتليك بوحده كل يوم تمدح زوجك ساعتها بتتذكرين وش كنتي تسوين
هذا اذا ما اخذتي ذنب البنات الي عديتيهم وصارو مثلك

وتذكرو العين تزني وزناها النظظظظر

حبايبي خواتي بنات حوا انا عارفه انه بسم الله عليكم والله يحفظكم ويحرسكم مافيكم من النسخ الي فوق
بس اكيد تعرفون احد لازم لازم تنصحينهم سوي المستحيل عشان تغيرينهم
واذا ماتغيرو لاتجلسين معاهم مو مره ماتجلسين بس عالاقل لو جابو هالموضوع
قومي وروحي اي مكان يوم عن يوم يعرفي انك ماتحبي هالشي وماراح يجيبون طاريه عندك
ويمكن راح يخف اهتمامهم
*
*
*
هالشي انا مجربته بنفسي بس مو نفس الموضوع لا كان عن الاغاني والي يقربون لي يسمعون لها
أسأل الله العظيم رب العرش العظيم ان يهديهم ويبعدهم عن هالطريق

المهم كل عيد نجتمع وجمعت البنات فيها كل شي ممايشتهونه ويحبونه وانتم عارفين والجوالات مليانه اغاني

والله العظيم مايشغلونها بجمعتنا ولايفكرون اصلا وهم كلهم يسمعون بس انا الوحيده فيهم الي ما اسمع

كان في موقف طبعا ويمكن هو اول موقف كان تو جوالات الب بابلوتوث طالعه
فكانت الجمعه وحده شغلت اغنيه مدري تشوف جوال الثانيه المهم بدو يشتغلون ارسليلي وارسلك
اش موقفي هنا نصحتهم لا كلمتهم لا
لانهم كلهم كبار اكبر مني وبعمري وعارفين انه حرام وعارفتهم لو قلت لهم يتضايقون مني
الشي الي سويته قمت عادي ورحت الغرفه الثانيه جالست
بعدي على طول جت وحده وجلست معاي 5 دقايق كلهم بالغرفه عندي
ولا وحده مشغله جوالها <<لاحد يقولي اني معقده متدخله فيهم وما اخليهم على راحتهم
انا ماسويت ولا قلت لهم شي هم بقناعتهم تركوها وجو عندي


موقف ثاني نفسسه تقريبا بس كنا باستراحه واحنا اغلب وقتنا سوالف ومقالب ولازم وقت للقهوه
المهم حطو القهوه في غرفه فيها تلفزيون كان عيد الفطر وتعرفون التلفزيون بالعيد كيف
دخلنا نتقهوى وجت وحده من المتزوجات وقامت تقلب وحطة على اغنيه
انا الحين التلفزيون وراي انا انسابه احب اعلق كثير وكنت اتقهوى المهم
علقت كم كلمتين وضحكو البنات وخلصت فنجالي وقمت استبلهت عالبنات شوي ومسكت الباب
يسألوني فين رايحه قلت معليش مقدر اجلس وطلعت ،،،
ورحت كالعاده الغرفه الاخرى كنت اتوقع اني بجلس لحالي وبطفش والله دقايق الا كلهم عندي
وجلسنا ضحك واستهبال احسن من الاغاني الي كانو يسمعونها
والى الان والله مايشغلون الاغاني قدامي ولا يجيبون سيرتها وعلاقتي معاهم عسسل
وكلها فله يعني لا كرهوني ولا شي الحمدلله


انا ماذكرت هالقصتين عشان اقول شوفوني كيف لا والله
ذكرتهم عشان الي تعاني وخايفه من كلامهم ولا خايفه من ردة فعلهم تعزم على نفسها
وتسوي الشي الصح مو الشي الي هم يشوفونه صح

قرايبي طبعا انصحهم بس باوقات اخرى يعني مو بالوقت الي هم يسمعون فيه
لي نظره في هذا الشي لاني احسهم يتقبلون كلامي اكثر
واكيد كل شخص وله اسلوب وطريقه في الحياه بس اهم شي اسلوبي وطريقتي تكون تنفعني بالدنيا والاخره
بأذن ربي ..
كتبت كلام يمكن يكون طويل وملخبط بس اعذروني لاني على طوول كتبت للاسف انا مو من النوع الي اكتب بمكان وبعدين اعدل فيه امسك الاب وعلى ايقونة موضوع جديد واشتغل :35:

احبكم كلكم وما احب اشوف اي احد غلط ويوجعني قلبي صح سكتنا كثير بس لازم حل لها المشكله
وانا اتكلمت بهالاسلوب لانه اغلب البنات يشدهم هالاسلوب فسامحوني لو غلطت على احد دون قصد ...

صح اذا شفتي هالنوعيه لاتقولين الا ( الْحَمْدُ لِلَّهِ الَّذِي عَافَانِي مِمَّا ابْتَلَاكَ بِهِ وَفَضَّلَنِي عَلَى كَثِيرٍ مِمَّنْ خَلَقَ تَفْضِيلًا)
*
*
*
طبتم وطابت قلوبكم :26: